Wp/kip/विकिपीडिया:स्वशिक्षा/सम्पादन
| परिचय | सम्पादन | रूपरंग | विकिपीडिया जोड | सन्दर्भ र स्रोत | वार्तालाप पृष्ठ | ध्यान नइचुके | पन्जीकरण | बाका बाकै |
केइ सुरक्षित पृष्ठरल बाहेक प्रत्येक पृष्ठल तोबो "सम्पादन" ट्याब टाए होनल क्लिक जइडे जे नो पृष्ठल आवश्यकता अनुसार परिवर्तन डो जेढुई । आआे सम्पादन जइन्या क्षमता ज विकिपीडिया ए पारेभन्दा चाआे गुण सा । जेलाई हरेक पृष्ठल सुधार जइने सन नल तथ्य थपिन्या अनुमति यासिउ जिले। यदि जे तथ्य जे झाज्याउ ताकन कृपया नोए सन्दर्भ नइन्या ता म्हेचो कटाने हैगार्काई सान्दर्भिक तथ्यर हटिन्या या चुनौतील पनि परिऊ ढुर।
सम्पादन जइन्या अभ्यासए लागि प्रयोगपोल बाडे"सम्पादन" ट्याबमा क्लिक जइचुके। जब जे"सम्पादन" ट्याबल क्लिक जेडोइ, तोबो सम्पादन झ्याल खुलिन्या ले होकई नल पृष्ठए मूलपाठ ताए। नल केई रमाईलो सन ज्ञानबर्द्धक पाङर सर्चुके या शब्दरलाई हटइडे जेमी पाठ सर्चेऊ। होकाइ"संग्रह जइन्या"'"ल क्लिक जइडे रइचुके अवलोकन डोचुकेकताचि अटाजेउ!
सम्पादनए सारांश
[edit | edit source]जेमी आआे पहिलो सम्पादनए अभ्यासङाई न्हेबोलो पाङरलाई रासिउ ले वास्तवल जइसिऊ लेख-सम्पादनल जइन्या परिन्या अलेआे । हुचुके आआेए अमी पनि अभ्यास गेडोया "सम्पादन" ट्याबल दबइचुके, कतार सर्चुके होकाई फेरि आआे न्हेबोलो जरूरी चीजरलाई पनि जइचुके
प्रथम, जब पनि जे कुनै लेखलाई सम्पादन जे जइज्याउ ताकन "सारांश"ए कोठाल जेजइआे परिवर्तनए बारेल कतार सर्चुके विकि-शिष्टताए नियमराई अनुसार आआे आआे चिज मानिसिऊ ले । आल के आआे सरोन जेढुइ जे कता कारणए आआे परिवर्तन जेजइआे जेराई जेमी परिवर्तन कता प्रकारल ले जस्तो कि"देशए मिन ठीक जइसिके" अथवा "सइराई बारेल महत्वपूर्ण जानकारी नइसिके" । यदि जेराइ अमी परिवर्तन जिमुजा अलिकन भने "आआर जिमुजा सम्पादन सा" मिनला कोठाल जे चिन्ह लाइआे जेढुइ (आआे कोठा केवल पंजीकृत प्रयोगकर्तालाई याज उपलब्ध ले - जे स्वयंलाई सजिलैसन पंजीकृत जइआे जेढुइ होकाई आआे स्वशिक्षा लेखए जेलाई झिन्डे बाडे पंजीकरणए बारेल पइने ले) ।
पूर्वावलोकन
[edit | edit source]छुट्टो चिज, जेलाई सधैं "पूर्वावलोक रङन्या" बटनए प्रयोग जइने परि। प्रयोगपोल परिवर्तन जइसिकेन "संग्रह जइने" बटनए भन्दा पहिला "पूर्वावलोकन रङने" बटन दबइचिके। अब आआे जे नो चिज रङऊ जेढुइ जो जे लेखसंग्रह जेडो झिन्डे ङ्हाक हुई, तर जेमी परिवर्तन हार्क संग्रह जइसिउ माले ।गे पार समय-समयल गल्ति गेडोए,होकाई पूर्वावलोकनए प्रयोगङाए गे लेख संग्रह ताने ङाडे गेमी गल्तीरलाई सुधार जइडे संग्रह जइयाउन गे ढुइ । अँ, पूर्वावलोकन जइडे जेमी लेखलाई संग्रह डोने ताम्हेचेऊ।
लेख संग्रह जइन्या
[edit | edit source]पूर्वावलोकनए प्रयोग जइडे त्रुटिर सुधार जेजइआे सई जेमा जइआे ? सम्पादनए सारांश जसरोकिर ? हैताकिन जे लेख संग्रह जइन्याए लागि तयार ताचुके । "संग्रह जइन्या" सर्सिउ बटन दबएचिके!