Wp/kge/Islam
| Islam الإسلام Al-Islam | |
|---|---|
Gambar
| |
| Tuhan | Allah/اللّٰه |
| Panogak | Nabi Muhammad SAW |
| Panggolongan | Abrahamik |
| Teologi | Monoteisme |
| Jenis | Agama Universal |
| Pok Suci | Mokkah Madinah Baitul Maqdis |
| Pok Ibadah | Masigid |
| Umat | 1,9 Miliar jiwa |
| Sistem Panulisan | Huruf Hijaiyah |
| Status | Agama paling lamon penganut ke-2 di dunia |
| Kitab Suci | Al-Qur'an |
| Pocohan | Bábísme, Baháʼí, Druze |
| Bahasa | Arab Qur'an |
| Sistem Mianak | Yahudi, Kristen |
 Artikel sa tentang agama Islam |
| 5 Rukun Islam |
| Syahadat – Sambahyang – Zakat – Puasa – Haji |
| Pok Suci |
| Mokkah – Madinah – Baitul Maqdis |
| Tokoh |
| Hazrat Muhammad SAW – Abu Bakar – Ali bin Abi Thalib Usman bin Affan – Umar bin Khattab |
| Harani Yaya |
| Tahun Baru Hijriah – Takwim Hijriyah Yaya Puasa |
| Yaya Qurban – Asyura |
| Bangunan |
| Masigid – Manara |
| Mihrab – Ka'bah |
| Pemuka Agama |
| Imam – Muazin – Mullah – Mufti |
| Qur'an rik Sumber Kaagamaan barihna |
| Al-Qur'an – Hadits – Sunnah |
| Fiqih – Fatwa – Syariat |
| Madzhab Sunni |
| Madzhab Islam Sunni: Hanafi, Hambali, Maliki, Syafi'i |
| Madzhab Syi'ah rik Aliran Barihna |
| 12 Imam, Ismailiyah, Zaidiyah |
| Mu'tazilah – Khawarij |
| Barihna |
| Tasawuf |
| Wahabi – Salafi |
| Islam Kejawen |
| Ahmadiyah |
Islam (Bahasa Arab: ⓘ) joda da agama monoteisme Abrahamik sei disebarko oleh Nabi Muhammad SAW nabi terakhir dilom ajaran Islam di Jazirah Arab. Islam joda da agama sai paling lamon kona anut keduo di dunia saradu agama Kristen.[1]
Lima Rukun Islam[edit | edit source]
1. Mbaca Rua Kalimat Syahadat[edit | edit source]
Rukun partamo dilom agama Islam joda da mbaca Rua Kalimat Syahadat.
Bunyi Rua Kalimat Syahadat joda da:
أَشْهَدُ أَنْ لَا إِلَٰهَ إِلَّا ٱللَّٰهُ وَأَشْهَدُ أَنَّ مُحَمَّدًا رَسُولُ ٱللَّٰه
ašhadu ʾalā ʾilāha ʾilla -llāhu, wa-ʾašhadu ʾanna muḥammadan rasūlu -llāh
Hortina: Nyak busaksi makka Tuhan silau jak Allah, rik Nyak busaksi nabi Muhammad joda da rosul (utusan) Allah.
2. Sambahyang Lima Waktu[edit | edit source]
Rukun sai keduo joda da Sambahyang Lima Waktu sai wajib tigawiko, kecuali uwat halangan, bakdu amal sai paling partamo kona hisab nonti joda da Sambahyang. Kaunyin rakaatna man tigabungko jadi 17 rakaat. Kalima waktu sina joda da:
| Waktu | Jumlah Rakaat | Katerangan |
|---|---|---|
| Subuh | 2 | Tigawiko di subuh harani timula'i jak timbulna Fajar Sadik sampai samakkung matahari minjak (Syuruk) |
| Buhur | 4 | Tigawiko ditongah-tongah harani, timula'i jak matahari kok tigiring guk topi sampai di waktu Ashar. |
| Ashar | 4 | Tigawiko saradu Buhur sampai samakkung matahari tanggolom, nurut Madzhab Syafi'i, Maliki, rik Hambali waktu Ashar sa timula'i mon tijang halinu barang kok ngaliyu'i tijang barang sina diwik. Sodongko Madzhab Hanafi monah tijang halinu kok rua kali ngaliyu'i tijang barang sina diwik. |
| Maghorib | 3 | Tigawiko ponah Mataharani tanggolom sampai Syafak radu. |
| Isya | 4 | Tigawiko saradu Maghorib sai titandai lobonna cahaya siyaw Syafak di langik, sampai Subuh ratong. |
3. Puasa di bulan Puasa (Ramadhan)[edit | edit source]
Rukun Islam sai ketigo joda da nggawiko ibadah puasa sabulan ponuh di bulan Ramadhan, buakhirna puasa titandai rik 1 Syawal sai tisobut Harani Yaya Puasa, di tanggal 1 Syawal sa tiharamko untuk bupuasa. Puasa sa tigawiko jak subuh laju guk magorib, sai dipa satijang harani sina porlu nahan hawa nafsu, mak dapok mongan, nginum, angot, atawa bukiyuk sai sipa aman tigawiko sacara titomot bakal ngabatalko puasa ho diwik.
4. Zakat Fitrah (Fatorah)[edit | edit source]
Rukun Islam sai ke-empat joda da nggawiko zakat fatorah untuk jolma sai mak mampu rik saro di ujung bulan puasa samakkung Harani Yaya Puasa.
5. Cakak Haji bagi sai Mampu (Bukacukupan)[edit | edit source]
Rik rukun sai tarakhir joda da ngalaksanako ibadah Haji bagi sai mampu (gonok horto rik badan sihat).
Nom Rukun Iman[edit | edit source]
1. Iman guk Allah[edit | edit source]
Buiman guk Allah rik ngakui kaesaan-Na, parcaya bahwa Allah joda da tuhan jak sagonop alam.
2. Iman guk Malaikat Allah[edit | edit source]
Iman guk malaikat-malaikat Allah joda da rukun iman keduo, malaikat sa lamon jumlahna, tapi bih sai wajib kita kapandai bih 10 bugahan.
| Nomor | Golar | Tugas |
|---|---|---|
| 1 | Jibril | Nunggukko Wahyu guk nabi rik rasul |
| 2 | Mikail | Ngatur rajoki |
| 3 | Israfil | Nyobu tarumpit sangkakala |
| 4 | Izrail | Nyabut nyawa |
| 5 | Raqib | Nyatat amal sai holau |
| 6 | Atid | Nyatat amal sai jahat |
| 7 | Munkar | Nanyai manusia dilom kubur |
| 8 | Nakir | Nanyai manusia dilom kubur |
| 9 | Malik | Njago rawang naraka |
| 10 | Ridwan | Njago rawang surga |
3. Iman guk Kitab Allah[edit | edit source]
Dilom Islam uwat 4 kitab suci sai titurunko guk nabi rik rasul.
| No | Golar | Nabi sai narima |
|---|---|---|
| 1 | Taurat | Musa |
| 2 | Zabur | Daud |
| 3 | Injil | Isa |
| 4 | Al-Qur'an | Muhammad |
4. Iman guk Rasul Allah[edit | edit source]
Dilom Islam uwat lamon nabi rik rosul, tapi sai wajib tikapandai bih uwat salawi (25) bugahan.
5. Iman guk Harani Kiamat[edit | edit source]
Buiman di Harani Kiamat sai bakal tijadi di jomoh harani, kaunyin makhluk makkung ka sai pandai kapan harani sina ho ratong kacuali Allah, tapi bih dinjuk-Na tanda-tanda na bugahan, rik sai congki kiamat ho ratongna di harani Juma'at. Rik parcaya radu kiamat ho lokok uwat kahidupan sai abadi joda da kahidupan di Alam Akhirat.
6. Iman guk Qada rik Qadar[edit | edit source]
Qada joda da katotapan Allah jak samakkung alam samesta sa uwat (zaman azali), sodongko Qadar joda da parwujudan qada sai tisobut takdir.
Liyak Munih[edit | edit source]
Sarambah[edit | edit source]
"Ketika Nabi shallallahu ‘alaihi wa sallam datang ke Madinah, penduduk Madinah memiliki dua hari raya untuk bersenang-senang dan bermain-main pada masa jahiliyah. Maka ia berkata, “Aku datang kepada kalian dan kalian mempunyai dua hari raya pada masa Jahiliyah yang kalian isi dengan bermain-main. Allah telah mengganti keduanya dengan yang lebih baik bagi kalian, yaitu hari raya Idul Fithri dan Idul Adha (hari Nahr)“
(HR. An Nasai no. 1556 dan Ahmad 3: 178, sanadnya shahih sasuai syarat Bukhari-Muslim sai sanipa nurut Syu'aib al-Arnauth, Muhammad Nashiruddin al-Albani, rik sajumlah pakar hadis).
Rujukan[edit | edit source]
- ↑ Religious Composition by Country, 2010-2050 Pew Research Center 2 April 2015 tanggal akses 21 Desember 2021 tanggal arsip 2021-12-05