Wp/kck/Ndhiyi wetshipi

Ndhiyi wetshipi intungamili wegubungano yetjiKrestu, unopa mano kakale ndelayila zila bamubulemo mubanhu betjitjaba kene begubungano yetshipi. Mutshipi dzisingatebele bhayibhil, Ndhiyi wetshipi engahhodzewa kene ahinge esazohhodzewa ( nhu koga engahinga eliNdhiyi wetshipi) koga mutshipi yeKhatholiki ndedzimwe tshipi dzinamilayo yetshipi, Ndhiyi wetshipi unogala kulinhu unohhodzewa. Badiyi betshipi banphinga sebalisi, banothokomela zwipfuwho,kakale thokomela ikoku kohanganila diya banhu. Thestamenti intshwa inohingisa mabala anoti “bhishopu” (Mihingo 20:28) kakale ndelinoti “presbheta” (1 Pita 5:1) kubva lakidza ntungamili wahhodzewa wetshipi yemaKristu yokutanga. Sayikoko, Pita wakabudza batungamili betshipi kuti behinge sebalisi bemwizi ngobe banolisa zwipfuwho zweNdzimu (1 Pita. 5:2). Mazina anoti “Bhishopu” ndelinoti “Presbheta” ayehingisiwa entjintjanhisiwa eleba tjinhu tjin' ompela sekunha Thayithasi 1:5-6. koga kunhasawhisisana pakati kwedzitabi dzebuKrestu kuti banohhodzewa bangana (Mapresbheta ndemaDikoni) kene batatu (Mabhishopu, Mapristi ndeMadikoni). Mutshipi yeKhatholika, tshipi inamilayo ndetshipi yemilayo yebhayibhili, Mabhishopu, Mapristi ndeMadikoni banomilidziwa kwazo sezila yohhodziwa sezwagwa mun' ha webupostoli. Mudzitshipi dzinjinji dzisingatebele bhayibhili ndedzitshipi dzakazwimila dzoga, adzitobvumila Mabhishopu kakale ndezwidiyo zwotola butungamili ndobuzwalo.

Mazina anhothalusa ntungamili (sa Bhishopu), inhu unohinga linga ndothokomela kose kwetshipi kunohakiwha ndemanhungo ebanhu bose banotshipa (sa Ndhiyi wetshipi). Nhu wakafanila abe ndezwidiyo zwebhayibhili (1 Thimothi 3:1-7; Thayithasi 1:5-9). Mutshipi dzisingatebele bhayibhili, banodangwa whola, bhishopu kene Ndhiyi wetshipi, kobe kubva mihingo in' ompela inotiwha mutshipi. Mutshipi yokutanga, kwakakuba nhu un' ompela unoba presbheta koga tshipi dzinjinji dzisingatebele bhayibhili ndelubaka gwe 19th nde 20th sentjuri bakantjintja bekati bakadzi babe badiyi betshipi. Kungabe nhu wetjilume kene wetjikadzi , wakafanila kuti abe whola ndeluzibo mundebo dzegala moyo (se whola), inhu unoleba kuti kotikalani, kakale unomaneja mihingo yose yetshipi.

Zina linoti Ndhiyi wetshipi lobva mubala leLathini linobva nlisi wemwizi. Kwalinohingisiwa libva nhu lokwagwa ndezila inotebela, "Pr" or "Ptr" (kulakidza un’ ompela), or "Ps" (bunji).