Wp/jax/Model

Model adolah salah sikok makanan khas Palembang, Sumatra Selatan. Selain pempek, model ko jugo makanan yang tebuat dari ikan. Bahan utamo untuk buat model ko adolah ikan tenggiri, sedangkan kuahnyo dibuat dengan campuran udang biak menambah selera. Di dalam semangkok model idak cuman ado model samo kuahnyo bae, tapi biasonyo ado bihun, daun seledri, bawang goreng, bengkoang, timun, dan masih banyak lagi. Terkadang jugo orang-orang jugo nambahin cabe ke model ko biak rasonyo jadi pedas, kareno kalo di bahan awalnyo model ko idak pedas. Model paling enak kalo dimakan waktu cuaco mendong atau ujan.

Jiko ditengok sekilas, model ko mirip dengan tekwan, tapi sebenarnyo beda. Perbedaannyo ado pado salah sikok bahan, yaitu tahu Chino. Tekwan idak pakek tahu itu, tapi model pakek. Selain itu, bentoknyo pun lebih merep samo pempek, tapi bentoknyo lebih besak karno ado diisi tahu. Besaknyo jugo biso sebesar pempek kapal selam yang diisi samo telok. Selain samo dengan pempek, dari bahannyo model ko samo jugok kayak bahan untuk buat kemplang tunu. Kemplang tunu ko adolah salah satu jenis kemplang dari Palembang dan untuk pembuatannyo, adonan yang ado hampir merep dengan pempek. Bedanyo adolah kemplang tunu dengan pempek adolah kalau kemplang tunu dibakar bukan digoreng. Di situlah perbedaan model, tekwan, pempek, samo kemplang.

Bahan Pembuatan

Model

Bahan pembuatan model adolah:

• Ikan tenggiri
• Tepong sagu
• Telok
• Tahu Chino

Kuah

Bahan pembuatan kuah model adolah:

• Udang
• Bawang poteh
• Bawang merah
• Jamor
• Seledri