Wp/jax/Pempek
Pempek atau empek-empek adolah makanan yang berasal dari Palembang, Sumatra Selatan. Makanan iko tebuat dari daging ikan yang digeleng lembot yang dicampor dengan tepong sagu.[1]
Sejarah[edit | edit source]
Pempek sudah ado sejak zaman Kesultanan Palembang, dan waktu itu pempek benamo kelesan. Kelesan merupoan makanan adat yang ado di dalam Rumah Limas, yang mempunyoi sifat samo kegunaan tetentu. Namo kelesan pun diambek kareno sifat makanan itu dewek, yaitu dikeles atau tahan kalau disimpan lamo.[2]
Pado zaman itu, pempek dibuat samo orang Palembang asli. Setelah jadi, pempek diantar ke orang Tionghoa supayo biso di jual. Hal iko kareno pado zaman itu orang Tionghoa tekenal dengan kemampuan berdagangnyo. Tapi, berdasarkan sejarah tahun 1916, pempek ko mulai dijual di jalan secaro bejalan kaki dari kampong ke kampong. Area penjualannyo pun khusus di kawasan Keraton.[2]
Sejak penjajakan itulah makonyo namo pempek banyak diketahui. Hal iko kareno “empek” merupokan panggilan orang Tionghoa yang bejualan pempek. Jadi orang-orang kalau ado yang mau beli, manggilnyo “pek,empek”. Akhirnyo namo panggilan itu jadi lebih tekenal daripado namo makanannyo dewek, dan sampe sekarang makanan ko lebih dikenal dengan namo pempek.[2]
Jenis[edit | edit source]
Diketahui kalau setidaknyo ado 9 jenis pempek saat iko, yaitu:[1][2]
- Pempek lenjer
- Pempek kapal selam
- Pempek keriting
- Pempek pistel
- Pempek adaan
- Pempek tahu
- Pempek kolet
- Pempek tunu
- Pempek lenggang
Daftar Pustaka[edit | edit source]
- ↑ 1.0 1.1 Ayana Story (13 Juni 2019). "Fakta Sejarah Pempek Palembang. Idntimes.com. Diakses pada 25 Mei 2021.
- ↑ 2.0 2.1 2.2 2.3 Silvita Agmasari (06 Oktober 2020). "Asal Usul Nama Pempek Makanan Asal Palembang yang Punya Nama Asli". Kompas.com. Diakses pada 25 Mei 2021.