Wp/jax/Kemplang

Kemplang adolah keropok ikan yang biasonyo ado di Palembang, Sumatera Selatan. Selain Palembang, kemplang jugo biaso ditemui di Lampung dan Bangka Belitung. Bahan utamo dari pembuatan kemplang ko adolah tepong terigu. Tapi, kini ko untuk nambahin cito rasonyo, kemplang dibuat dengan tambahan ikan tenggiri yang merupokan makanan andalan untuk orang Lampung samo Palembang. Selain ikan tenggiri, kemplang jugo biso dibuat samo campuran udang dan cumi, dan bahan iko biasonyo ado di Bangka Belitung.

Jenis

Setidaknyo ado 6 jenis kemplang yang ado saat iko, yaitu:

Keropok

Keropok sebenarnyo mirip dengan keropok yang ado di daerah lain, tapi bedanyo adolah keropok iko tebuat dari potongan pempek lenjer yang dikerengin. Setelah kereng, keropok tesebut dimasak dengan caro digoreng sebanyak duo kali. Ukuran dari keropok ko biasonyo 5-7 cm untuk diameternyo dan ketiko bulan puaso, keropok ko jadi makanan yang laris.

Getas

Kemplang yang keduo adolah getas. Getas ko bentuknyo bulat dan jugo padat. Pebedaannyo dengan keropok adolah ukuran dari getas dan kepadatannyo. Getas ko dibuat dengan adonan pempek yang lebih kecik dibandingkan keropok, dan dipotong sepanjang 4 cm.

Kemplang Panggang

Kemplang panggang ko tebuat dari adonan pempek yang dijemor. Setelah dijemor, kemplang ko dipanggang di atas api. Karano proses ikolah makonyo warno dari kemplang panggang ko idak bersih nian, warnonyo dewek adolah coklat tuo. Lebih enak makan kemplang panggang ko dengan saos sambal.

Kemplang Kereteng

Namo kemplang kereteng ko sebenarnyo berasal dari bentok kemplang itu dewek, yaitu kereteng. Bahan-bahannyo pun sebenarnyo samo dengan keropok.

Kemplang Mangkok

Kemplang mangkok merupokan kemplang yang tebuat dari bahan pempek. Kemplang iko mempunyoi bentok kayak mangkok, makonyo dinamoi kemplang mangkok.

Kemplang Koin

Kemplang koin jugo merupokan jenis dari kemplang. Jenis yang sikok ko hampir samo dengan yang laen, yaitu tebuat dari adonan pempek. Bedanyo hanyo ado di bentok kemplang itu dewek yang kayak koin.