Wp/jax/Kerinci Sumatra

From Wikimedia Incubator
< Wp‎ | jax
Wp > jax > Kerinci Sumatra

Kelinci Sumatra (Nesolagus netscheri), yang jugo dikenal dengan namo kelinci sumatra telingo pendek atau kelinci belang sumatra, adolah jenis kelinci liar yang cuman ditemuin di hutan tropis di pegunungan Bukit Barisan di Pulau Sumatra, Indonesia.[1]

Kelinci ko merupokan kelinci yang paling langka di dunia bahkan sempat dikiro sudah punah samo International Union for Conservation of Nature (IUCN). Tapi di tahun 1990-an, keberadaannyo ditemui samo seseorang. Informasi untuk kelinci sikok ko idak banyak, tapi diketahui kalau hewan ko aktif di malam hari. Sedangkan waktu siang hari mereka ngabisin waktunyo besembunyi di dalam lubang punyo hewan lain. Sampe saat iko belom ado informasi kalau kelinci ko bikin lubangnyo dewek.[2]

Beberapo daerah yang pernah diketahui ado kelinci sumatra adolah Taman Nasional Gunung Leuser, Taman Nasional Kerinci Seblat, Taman Nasional Bukit Barisan Selatan, samo Suaka Margasatra Gumai Pasemah.[1]

Ciri-ciri[edit | edit source]

  • Bulu bemotif garis. Diperkirakan kalau warno bulu yang ado ko sebenarnyo biso nyesuain diri dan jugo besembunyi di dasar hutan hujan tropis.[3]
  • Bulunyo tebal dan lembut, sedangkan garisnyo bewarno coklat kacang dan ado sikok garis panjang dari tengkuk sampe ekor. Biasonyo ekor kelinci ko bewarno merah.[3]
  • Beratnyo kurang lebih 1,5 kg.[3]
  • Punyo telingo yang lebih kecik dari kelinci yang laen.[3]

Daftar Pustaka[edit | edit source]

  1. 1.0 1.1 Liputan 6. Mengejutkan, Ada Kelinci Liar Indonesia. Diakses pada 23 Mei 2021.
  2. National Geographic Indonesia. Kelinci Sumatra, Kelinci Paling Langka di Dunia. Diakses pada 23 Mei 2021.
  3. 3.0 3.1 3.2 3.3 Kompas. Kelinci Terlangka di Dunia Ada di Sumatera. Diakses pada 23 Mei 2021.