Jump to content

Wp/jax/Taman Nasional Bukit Barisan Selatan

From Wikimedia Incubator
< Wp‎ | jax
Wp > jax > Taman Nasional Bukit Barisan Selatan

Taman Nasional Bukit Barisan Selatan (TNBBS) adolah salah satu taman nasional yang dapat penghargoan begengsi dari UNESCO di tahun 2004.Taman nasional lain yang dapat jugo adolah Taman Nasional Gunung Leuser (TNGL) dan jugo Taman Nasional Kerinci Seblat (TNKS) dan ketigo taman nasional ko dinobatin sebagai Tropical Rainforest Heritage of Sumatera (TRHS) atau Situs Warisan Dunia Hutan Hujan Tropis Sumatera.[1]

Taman Nasional Bukit Barisan Selatan merupokan taman nasional yang ado di sepanjang Provinsi Bengkulu sampe Lampung. Luasnyo dewek sekitar 355.511 hektar dan sekitar 10.500 hektarnyo berado di Kabupaten Tanggamus sedangkan di Lampung Barat dan jugo Pesisir Barat luasnyo sekitar 280.300 hektar.[1]

Sejarah[edit | edit source]

Taman Nasional Bukit Barisan ko idak serta merta langsung jadi taman nasional. Dulunyo waktu tahun 1935, daerah TNBBS ko adolah Suaka Margasatwa yang ditetapin melalui Besluit Van der Gouvernour-Generat Van Nederlandseh Indie No 48 stbl. 1935. Wilayahnyo dewek meliputi Reg. 49B Krui Barat, Reg. 46B Sekincau, Reg. 47B Bukit Penetoh, Reg. 22B Kubunicik, Reg. 49 SSI bagian selatan, dan jugo Reg. 52 Kaur Timur. Selanjutnyo waktu tahun 1982 tepatnyo tanggal 14 Oktober, Suaka Margasatwa ko disahkan jadi taman nasional melalui Surat Pernyataan (SP) Menteri Pertanian No. 736/Mentan/X/1982.[1]

Flora dan Fauna[edit | edit source]

Taman nasional ko merupokan bagian dari pegunungan Bukit Barisan dengan tipe vegetasi hutan mangrove, hutan pantai, hutan pamah tropika dan sampe pegunungan di Sumatera. Flora yang paling tekenal ado di taman nasional ko adolah Rafflesia arnoldii, yang merupokan flora langka. Selain itu, jugo ado pidada (Sonneratia sp.), nipah (Nypa fruitcans), cemara laut (Casuarina equisetifolia), pandan (Pandanus sp), cempaka (Michelia champaka), meranti (Shorea sp), Mersawa (Anisoptera curtisii), ramin (Gonystylus bancanus), keruing (Dipterocarpus sp), damar (Agathis sp) dan rotan (Calamus sp).[2]

Flora yang jadi ciri khas dari taman nasional ko adolah bungo bangke jangkung (Amorphophallus decus-silvae) yang tingginyo sampe duo meter, bungo bangke raksasa (A. titanum) dan jugo anggrek raksasa (Grammatophylum speciosum).[1]

Selain flora yang langka dan jugo hampir punah, di taman nasional ko jugo ado fauna yang terancam punah kayak gajah sumatra (Elephas maximus sumatrensis), harimau sumatra (Panthera tigris sumatrae), dan jugo badan sumatra (Dicerorhinus sumatrensis). Ado jugo badak sumatra yang merupokan satwa langka karno dio berculo duo. Keadaan badan sumatra ko ketiko artikel iko dibuat adolah kritis (Critically Endangered).[1]

Fauna lain yang jugo ado di taman nasional adolah beruang madu (Helarctos malayanus malayanus), ungko (Hylobates agilis), tapir (Tapirus indicus), siamang (H. syndactylus syndactylus), simpai (Presbytis melalophos fuscamurina), kancil (Tragulus javanicus kanchil), dan jugo penyu sisik (Eretmochelys imbricata).[1]

Daftar Pustaka[edit | edit source]

  1. 1.0 1.1 1.2 1.3 1.4 1.5 Christian Heru Cahyo Saputro (20 Mei 2020). "Bukit Barisan Selatan, Situs Warisan Dunia yang Ada Badaknya". Mongabay.com. Diakses pada 21 Agustus 2021.
  2. Taman Nasional Bukit Barisan Selatan National Park. Taman Nasional Bukit Barisan Selatan. Diakses pada 21 Agustus 2021.