Wp/jax/Kambing Hutan Sumatera
Kambing Hutan Sumatera atau Sumatran Serow atau capricornis sumatraensis, adolah salah satu hewan yang berasal dari Sumatra. Hewan sikok ni merupokan hewan yang terancam punah, dan salah satu daerah tempat idupnyo adolah Taman Nasional Gunung Leuser.[1]
Status dari kambing hutan ko adolah rentan atau vulnerable (VU) kareno dari data yang ado terjadi penurunan yang tinggi dan kemungkinan mencapai 30% selamo 21 tahun beakangan.[1] Bahkan kalau ditengok dari data, jumlah dari kambing hutan ko lebih sedikit daripado Harimau Sumatera.[2]
Ciri-ciri[edit | edit source]
- Moncong yang mirip dengan kerbau[3]
- Tanduk lurus, ramping, melengkong ke belakang kayak tanduk antelop dan panjangnyo kisaran 12-16 cm[3][4]
- Badannyo kekar, banyak rambut lebat bewarno itam keabuan[3]
- Berat badannyo antaro 50-140 kg dan panjang badannyo antaro 140-180 cm[4]
Populasi[edit | edit source]
Kambing hutan ko merupokan hewan yang tangkas karno biso memanjang lereng yang terjal. Lereng tesebut biasonyo cuman biso dipanjat samo manusia, dan itu menggunakan bantuan tali.[4]
Kambing hutan aktif waktu pagi dan sore hari. Di siang hari, mereka biasonyo istirahat di tempat tedoh di balik bebatuan besak atau gua. Sekarang populasi ado di kawasan Taman Nasional Gunung Leuser (TNGL), Taman Nasional Kerinci Seblat (TNKS), Taman Nasional Batang Gadis (TNBG), dan jugo Taman Nasional Pegunungan Bukit Barisan. Selain di Indonesia, kambung hutan ko jugo ado di Semenanjung Thailand-Malaysia.[4]
Daftar Pustaka[edit | edit source]
- ↑ 1.0 1.1 Ahmad Masaul Khoiri (28 Mei 2020). "Langka! Kambing Hutan Sumatera Terlihat Lagi di TN Gunung Leuser". detik.com. Diakses pada 25 Mei 2021.
- ↑ Ahmad Fauzi Manik (28 Maret 2021). "Langka! Terancam Punah, Kambing Hutan Sumatera Malah Disembelih Warga Labura". news.detik.com. Diakses pada 25 Mei 2021.
- ↑ 3.0 3.1 3.2 Kumparan. Kambing Hutan Sumatera Langka Terekam Kamera di Gunung Leuser. Diakses pada 25 Mei 2021.
- ↑ 4.0 4.1 4.2 4.3 Indonesia. Si Penyendiri Dari Lereng Terjal. Diakses pada 25 Mei 2021.