Wp/jax/Harimau Sumatra
Harimau sumatra atau Panthera tigris sondaica merupokan jenis hewan dari Famili Felidae yang masuk kedalam golongan rumpun kucing-kucingan dengan ukuran paling besak pado kelasnyo. Harimau sumatra ko merupokan salah sekok dari jenis yang masih betahan sampe kini. Namo spesiesnyo disebut “Sunda” karno namo ko mencakup ke banyak kawasan geografi di Pulau Sumatra, Jawo, samo Bali.[1]
Diketaui sampe kini jumlah harimau sumatra ko lah dak nyampe 400 ekor dan sekitar 300 ekor lah ado di penangkaran. Karno jumlahnyo yang lah dikit ko mako untuk harimau sumatra ko kini berstatus kritis atau critically endagered. Hal iko disebabkan karno banyak nian perburuan yang makin buat jumlah harimau yang ado ko semakin dikit dan rawan punah.[2]
Alasan tertentu orang beburu harimau ko karno ado bagian dari harimau ko yang dipercayo biso jadi obat untuk beberapo penyakit tertentu. Sebagian harimau ko mati karno diburu untuk dijual secaro global. Padahal kalu ditelusuri lagi, sebenarnyo idak ado bukti yang benar-benar nunjukkan ado bagian tubuh harimau ko punyo manfaat. Bahkan banyak bukti yang menyatokan kalo tubuh harimau idak punyo manfaat samCiri-ciri. Malah banyak pemburu ko nak ngejar harimau tu cuma untuk ngoleksi bagian-bagian tubuhnyo be untuk dijual dan jadi koleksi pribadi. [2]
Ciri-ciri
[edit | edit source]- Badannyo lebih kecik dibandingkan dengan harimau kontingental.[1]
- Tinggi dari harimau jantan yang besak biso sampe 60 cm dan panjangnyo dari kepalak sampe kaki biso sampe 250 cm, sedangkan beratnyo sekitar 140 kg. Pado harimau betino panjang badannyo kiro-kiro 198 cm dan beratnyo sampe 91 kg.[1]
- Warno dari kulit harimau ko cenderung lebih kelam dibandingkan harimau lainnyo, garis kuning yang ado biasonyo bewarno kemerah-merahan sampe oren tuo. Gares lorengnyo jugo lebih lebar dan bedempet.[1]
Makanan
[edit | edit source]Harimau sumatra ko termasuk jenis hewan karnivora (pemakan daging) , yang makan hampir segalo jenis hewan yang ado, nak besak maupun kecik. Biasonyo harimau ko beburu waktu malam hari dan dalam seminggu ado perburuan besaknyo. Kecepatannyo dalam belari pun biso sampe 40 mil per jam, biasonyo sewaktu nyari mangso dio akan ngintai dulu. Lalu ketiko lah siap, mangso ko langsung diterkam dalam waktu singkat.[2]
Sayangnyo kini ko keadaan banyak yang idak bepihak samo harimau sumatra. Harimau ko bahkan harus bejalan sekitar 18 mil cuman untuk nyari makan bae, sebab kini habitatnyo lah banyak yang hilang karno aktivitas manusio yang nak nebang hutan untuk kepentingan pribadi dan golongannyo.[2]
Daftar Pustaka
[edit | edit source]- 1 2 3 4 World Wide Fun for Nature. Harimau Sumatera. Diakses pada 18 Mei 2021.
- 1 2 3 4 Mela Arnani (25 Juli 2020). "Mengenal Harimau Sumatera yang Terancam Punah". Kompas.com. Diakses pada 18 Mei 2021.