Wp/isv/Скопје
Скопје (mak.: Скопје; alb.: Shkup) јест главны и најљудны град Сєверној Македоније. Он јест политичны, културны, економичны и академичскы центр краја. Скопје находи се в Скопској котлинє, у рєкы Вардара. Сугласно официалному спису насељенја 2021 года в граду живе 422 540 људиј.
Прво посељенје под назвоју Скупи было основано римљанами в првом столєтју нашеј еры. Когды Римска империја была раздєљена на западну и возходну чести, Скупи стали честју източној чести, Бизантијској империје. В раным срєдњевєчју град прєходил из рук в рукы меджу Бизантијској империјеју и Булгарскым царством, главным градом кторого Скопје был од 972 до 992 года.
Од 1282 года град был честју Србского царства и был јего главным градом од 1346 до 1371 года. В 1392 году Скопје захватили османски турки, ктори называли јего Ускубом (tur.: Üsküb, اسکوب). Град был под владоју Османској империје выше 500 лєт, был главным градом в османском санджаку Ускуба и позднєје вилајета Косова. В 1912 году в часу Првој Балканској војны јего захватило и анексовало краљевство Србија. В часу Првој свєтовој војны град захватило третје Булгарско царство, а послє војны град стал честју нового краљевства Југославија како главны град Вардарској бановины. В часу Другој свєтовој војны град изнова захватила Булгарија, а послє војны в 1945 году он стал главным градом СР Македонија, федеративној републикы в составу Југославији. Град имал брзы развој, але в 1963 году јего побило силно земјетресенје.
Vněšnje linky
[edit | edit source]- Tutoj članok imaje prěvod iz članka "Skopje" v Vikipediji na anglijskom (spis avtorov; dozvoljeńje CC BY-SA 4.0).