Wp/isv/Prva světova vojna

Bulgarske vojska v atakě na Monastir.

Prva světova vojna byla vsesvětova vojna od 28 julija 1914 do 11 novembra 1918 goda. V njej vojevali dvě koalicije, Sojuzniki i Centralne sily. Vojenne dějańja prohodili v Evropě, Blizkom Vozhodu, Afrikě, Tihom okeanu i čestah Azije osoblivo v Vozhodnoj Aziji. Po ocěnkě, 9 milionov vojakov umrli v bitvah, a ješče 23 miliona byli ranjene. 5 milionov gradžan umrlo v rezultatu vojennyh dějanij, glada i hvorob, ješče mnoge miliony byli ubity v čas narodobijstva arměnov v Osmanskoj imperiji, a pandemija španskogo gripa v 1918 godu imala vyše brzo razprostranjeńje vslěd dvižeńja vojinov v času vojny.

V sustavu Sojuznikov vojevali Francija, Objedinjeno kraljevstvo, Rosijska imperija, Srbija, Belgija, Japonija, Črna Gora, Italija (od 1915 goda), Rumunija (od 1916 goda), SŠA (od 1917 goda) i ine državy. V sustavu Centralnyh sil byli Němečska imperija, Avstro-Madjarija, Osmanska imperija, i Bulgarija (od 1916 goda).

Vněšnje linky

• Tutoj članok imaje prěvod iz članka "World War I" v Vikipediji na anglijskom (spis avtorov; dozvoljeńje CC BY-SA 4.0).