Wp/isv/Afrika

Afrika jest kontinent, ktory razom s Evropoju i Azijeju tvori Stary Svět. Ona jest vtory največši kontinent.

Graniči so Srědzemnym morjem s sěvera, Atlantičnym okeanom s zapada, Južnym okeanom s juga i Indijskym okeanom s vozhoda.

Povrh Afriky jest 30,37 mln km² (okolo 20% povrha vsej zemje). Krajnym punktom na sěveru jest mys Běly (37°25′N), na jugu mys Agulhas (34°51′S), na zapadu mys Almadi (17°33′W), a na vozhodu mys Hafun (51°23′E) ili vozhodny brěg Sokotry (54°28′E).

Najvysšim vrhom v Afrikě jest Kilimandžaro v Tanzanije (5985 m). Druge gorske lance sut Atlas v Maroku, Tuneziji i Alžiru (najvysšy vrh Džabal Tubkal - 4167 m), Tibesti v Čadu i Libiji (najvysšy vrh Emi Kussi - 3415 m) i Drakonove Gory v Republikě Južnoj Afriky, Lesotu i Esvatini (najvysšy vrh 3428 m).

Državy Afriky