Wp/ctg/ইন্ডিয়া

ইন্ডিয়া দইন এশিয়ার এক্কান রাশ্ট। দেশশানর শরগারি নাম ইন্ডিয়া রিফাবলিক। ৱুগোলর সাইজর বিসারে ইয়ান দইন এশিয়ার বেগ্গুনত্তু ডঁ৴র এদ্দে দুনিয়ার শাত লম্বর ডঁ৴র রাশ্ট। আরেম্মিক্কাদ্দি আবাদি মাঁইঁশঁর ইশাফে দেশশান দুনিয়ার দুই লম্বর ডঁ৴র আবাদি অলা এদ্দে দুনিয়ার বেগ্গুনত্তু ডঁ৴র গনতান্তিক রাশ্ট। ইন্ডিয়ার ফসিম ব৴ডারত ফাকিস্তান উতুর-ফুগদি সায়না, নেফাল, এদ্দে ৱুটান আর ফুগদি বাঙলাদেশ এদ্দে বর্মা আস়ে। ই৴নসরাঅ় ইন্ডিয়ান ডঁ৴র্ দরিয়াত আস়ে দে স্রিলঙকা, মালদিফ এদ্দে ইন্দোনেশিয়া ইন্ডিয়ার হাঁস়াহাঁস়ি হএক্কান দিয়া রাশ্ট। দ৴নদি ইন্ডিয়ান ডঁ৴রদরিয়া, ফসিনদি আরব দরিয়া এদ্দে ফুগদি বঙগদরিয়া দি বের়াইয়া ইন্ডিয়ার কূলদাগর মোডেমাডে দইর্গ ৭,৫১৭ কিলোমিটার (৪,৬৭১ মেইল)।