Wp/ctg/বাঙলাদেশ

বাঙলাদেশ (উ়নন (মদদ·ইনফরমেশন)) দইন এশিয়ার এক্কান আযাদ দেশ। বাঙলাদেশর দস্তুর মজিন নাম গণপ্রজাতন্ত্রী বাংলাদেশ। বাঙলাদেশর ফস়িনদি ইন্ডিয়ার ফসিমবঙ্গ, উতুরদি ফসিমবঙ্গ, আশাম এদ্দে মেগ়ালয়, ফুগদি আশাম, তিফুরা এদ্দে মিজোরাম, দইন-ফুগদি বর্মার সিন এদ্দে আরকান রেইজ্য ; দইন কুলদি বঙ্গদরিয়া আস়ে। ৱুগোলর ই়শাফে দুনিয়ার বেগ্গুনত্তু ডঁ৴র ব-দিয়ার বিরাট এক্কান এলাহা লই বাঙলাদেশ আস়ে। ১৬ কোটিত্তুন বেশি মানুশ লই বাঙলাদেশ দুনিয়ার ৮ লম্বর ডঁর মাঁইঁশঁর দেশ। দইজ্জা মা-র বাঙলাদেশর জবিনর উৰদ্দি ব৴ই গেইয়ে ৫৭ৰা ইন্টারনেশনাল দইজ্জা। বাংলাদেশর উতুর-ফুগ এদ্দে দইন-ফুগদি টারশিয়ারি জুগর ফারঅক্কল স়া৴য় আস়ে। দুনিয়ার বেগ্গিনত্তুন ডঁর মেনগ্রোব জঁ৴ল সুন্দরবন ও বেগ্গুনত্তুন ডঁর আ-ৱেইঙ্গা নেসারাল দরিয়ার কুল ককশোবাজার দরিয়ার কুল বাঙলাদেশত আস়ে।