Wp/cop/Ⲣⲁⲙⲥⲏⲥ ⲡⲓⲙⲁϩⲃ̅

Ⲡⲓⲑⲱⲟⲩⲧ ⲛ̀ⲧⲉⲢⲁⲙⲥⲏⲥ ⲡⲓⲙⲁϩⲃ̅ ⲉⲧⲁⲩϫⲓⲙⲓ ϧⲉⲛⲠⲟⲩⲃⲁⲥϯ.

Ⲣⲁⲙⲥⲏⲥ ⲡⲓⲙⲁϩⲂ̅ ϣⲁⲛⲢⲁⲙⲥⲏⲥ ⲡⲓⲛⲓϣϯ ϣⲁⲛⲤⲙⲁⲛⲣⲏ ⲥⲧⲁⲫⲣⲏ (ⲙ̀ⲙⲉⲧⲟⲩⲉⲓⲛⲓⲛ: Οσυμανδύας, ⲟⲥⲩⲙⲁⲛⲇⲩⲁⲥ) ⲡⲉ ⲡⲓⲙⲁϩϣⲟⲙⲧ ⲛ̀ⲟⲩⲣⲟ ⲛ̀ⲧⲉⲡⲓⲙⲁϩⲙⲉⲧⲯⲓⲧ ⲛ̀ⲏⲓ ⲛ̀ⲣⲉⲙⲛ̀ⲭⲏⲙⲓ. Ϩⲁⲛⲙⲏϣ ⲛ̀ⲥⲟⲡ ⲉⲩⲙⲉⲩⲓ ⲉ̀ⲣⲟϥ ϫⲉ ⲡⲉ ⲡⲓⲛⲓϣϯ ⲛⲉⲙⲡⲓⲥⲭⲩⲣⲟⲥ ⲛ̀ⲟⲩⲣⲟ ⲛ̀ⲧⲉϯⲙⲉⲧⲟⲩⲣⲟ ⲙ̀ⲃⲉⲣⲓ. Ⲛⲉⲡⲉϥⲓⲱⲧ ⲡⲉ Ⲥⲏⲧ ⲡⲓϣⲟⲣⲡ ⲟⲩⲟϩ ⲧⲉϥⲥⲩⲙⲃⲟⲗⲟⲥ ⲛ̀ⲁⲫⲉ ⲧⲉ ⲛⲁϥⲣⲏⲣⲓ.

Ⲣⲁⲙⲥⲏⲥ ⲁϥⲉⲛ ⲛⲓⲥⲧⲣⲁⲧⲉⲩⲙⲁ ⲉ̀ϧⲟⲩⲛ ⲉ̀ϯⲤⲩⲣⲓⲁ̀ ⲟⲩⲟϩ ⲁϥϩⲓⲥⲉⲛϯ ⲙ̀ⲡⲓⲁⲙⲁϩⲓ ⲛ̀ⲛⲓⲣⲉⲙⲛ̀ⲭⲏⲙⲓ ⲉ̀ϫⲉⲛⲬⲁⲛⲁⲁⲛ ⲛ̀ⲕⲉⲥⲟⲡ. Ⲁϥⲉⲛ ⲟⲛ ⲛⲓⲥⲧⲣⲁⲧⲉⲩⲙⲁ ⲉ̀ϧⲟⲩⲛ ⲉ̀Ⲉⲑⲱϣ ⲫⲏ ⲉⲧⲁⲩϭⲓⲱⲟⲩ ϧⲉⲛⲛⲓⲉⲡⲓⲅⲣⲁⲫⲏ ϧⲉⲛⲦⲁⲗⲙⲓⲥ ⲛⲉⲙⲠⲉⲫⲑⲁϩ. Ϧⲉⲛⲡⲓϣⲟⲣⲡ ⲛ̀ⲧⲟⲓ ⲙ̀ⲡⲉϥⲙⲉⲧⲟⲩⲣⲟ ⲁϥⲕⲱⲧ ⲛ̀ϩⲁⲛⲃⲁⲕⲓ ⲛⲉⲙϩⲁⲛⲉⲣⲫⲉⲓ ⲛⲉⲙϩⲁⲛⲑⲱⲟⲩⲧ. Ⲁϥϩⲓⲥⲉⲛϯ ⲛ̀Ⲣⲁⲙⲉⲥⲥⲏ ⲑⲏ ⲉⲧⲁⲥϣⲱⲡⲓ ⲛ̀ϯⲙⲏⲧⲣⲟⲡⲟⲗⲓⲥ ⲙ̀ⲃⲉⲣⲓ ϧⲉⲛϯⲇⲉⲗⲧⲁ ⲙ̀Ⲫⲓⲁⲣⲟ (Ⲕⲉⲛⲑⲏⲣ ⲙ̀ⲫⲟⲟⲩ) ⲉⲧⲁⲥϣⲱⲡⲓ ⲟⲛ ⲛ̀ⲟⲩⲃⲁⲥⲓⲥ ⲉⲟⲩⲱⲣⲡ ⲛ̀ⲛⲓⲙⲉⲧⲙⲁⲧⲟⲓ ⲉ̀ϯⲤⲩⲣⲓⲁ̀.

Ⲁⲩⲑⲟⲙⲥϥ ϧⲉⲛⲡⲓⲙϩⲁⲩ ϧⲉⲛϯϦⲉⲗⲗⲟⲧ ⲛ̀ⲧⲉⲛⲓⲟⲩⲣⲱⲟⲩ ⲟⲩⲟϩ ⲁⲩϫⲉⲙϥ ϧⲉⲛ1881. Ⲁⲩⲟⲩⲱⲛϩ ⲙ̀ⲡⲉϥⲙⲓⲟ̀ⲗⲱⲛ ϧⲉⲛⲪⲙⲟⲩⲥⲉⲓⲟⲛ ⲛ̀ⲭⲏⲙⲓ ϧⲉⲛϯⲔⲉϣⲣⲱⲙⲓ.