Wp/cop/Ⲣⲁⲙⲥⲏⲥ ⲡⲓⲙⲁϩⲃ̅

Ⲡⲓⲑⲱⲟⲩⲧ ⲛ̀ⲧⲉⲢⲁⲙⲥⲏⲥ ⲡⲓⲙⲁϩⲃ̅ ⲉⲧⲁⲩϫⲓⲙⲓ ϧⲉⲛⲠⲟⲩⲃⲁⲥϯ.

Ⲣⲁⲙⲥⲏⲥ ⲡⲓⲙⲁϩⲂ̅ ⲓⲉⲢⲁⲙⲥⲏⲥ ⲡⲓⲛⲓϣϯ ⲓⲉⲤⲙⲁⲛⲣⲏ Ⲥⲧⲁⲫⲣⲏ (ϯⲙⲉⲧⲟⲩⲉⲓⲛⲓⲛ ⲛ̀ⲁⲣⲭⲉⲟⲛ: Οσυμανδύας, Ⲟⲥⲩⲙⲁⲛⲇⲩⲁⲥ) ⲡⲉ ⲡⲓⲙⲁϩϣⲟⲙⲧ ⲛ̀ⲟⲩⲣⲟ ⲛ̀ⲧⲉⲡⲓⲙⲁϩⲙⲉⲧⲯⲓⲧ ⲛ̀ⲏⲓ ⲛ̀ⲣⲉⲙⲛ̀ⲭⲏⲙⲓ. Ϩⲁⲛⲙⲏϣ ⲛ̀ⲥⲟⲡ ⲉⲩⲙⲉⲩⲓ ⲉ̀ⲣⲟϥ ϫⲉ ⲡⲉ ⲡⲓⲛⲓϣϯ ⲛⲉⲙⲡⲓⲥⲭⲩⲣⲟⲥ ⲛ̀ⲟⲩⲣⲟ ⲛ̀ⲧⲉϯⲙⲉⲧⲟⲩⲣⲟ ⲙ̀ⲃⲉⲣⲓ. Ⲛⲉⲡⲉϥⲓⲱⲧ-ⲡⲉ Ⲥⲏⲧ ⲡⲓϣⲟⲣⲡ ⲟⲩⲟϩ ⲧⲉϥⲥⲩⲙⲃⲟⲗⲟⲥ ⲛ̀ⲁ̀ⲫⲉ-ⲧⲉ Ⲛⲁϥⲣⲏⲣⲓ.

Ⲣⲁⲙⲥⲏⲥ ⲁϥⲉⲛⲛⲓⲥⲧⲣⲁⲧⲉⲩⲙⲁ ⲉ̀ϧⲟⲩⲛ ⲉ̀ϯⲤⲩⲣⲓⲁ̀ ⲟⲩⲟϩ ⲁϥϩⲓⲥⲉⲛϯ ⲙ̀ⲡⲓⲁ̀ⲙⲁϩⲓ ⲛ̀ⲛⲓⲣⲉⲙⲛ̀ⲭⲏⲙⲓ ⲉ̀ϫⲉⲛⲬⲁⲛⲁⲁⲛ ⲛ̀ⲕⲉⲥⲟⲡ. Ⲁϥⲉⲛ ⲟⲛ ⲛⲓⲥⲧⲣⲁⲧⲉⲩⲙⲁ ⲉ̀ϧⲟⲩⲛ ⲉ̀Ⲉ̀ⲑⲱϣ ⲫⲏ, ⲉⲧⲁⲩϭⲓⲱⲟⲩ ϧⲉⲛⲛⲓⲉ̀ⲡⲓⲅⲣⲁⲫⲏ ϧⲉⲛⲦⲁⲗⲙⲓⲥ ⲛⲉⲙⲠⲉⲫⲑⲁϩ. Ϧⲉⲛⲡⲓϣⲟⲣⲡ ⲛ̀ⲧⲟⲓ ⲙ̀ⲡⲉϥⲙⲉⲧⲟⲩⲣⲟ ⲁϥⲕⲱⲧ ⲛ̀ϩⲁⲛⲃⲁⲕⲓ ⲛⲉⲙϩⲁⲛⲉⲣⲫⲉⲓ ⲛⲉⲙϩⲁⲛⲑⲱⲟⲩⲧ. Ⲁϥϩⲓⲥⲉⲛϯ ⲛ̀Ⲣⲁⲙⲉⲥⲥⲏ ⲉⲧⲁⲥϣⲱⲡⲓ ⲛ̀ϯⲙⲏⲧⲣⲟⲡⲟⲗⲓⲥ ⲙ̀ⲃⲉⲣⲓ ϧⲉⲛϯⲇⲉⲗⲧⲁ ⲙ̀Ⲫⲓⲁ̀ⲣⲟ (ⲉ̀ⲧⲉⲔⲉⲛⲑⲏⲣ ⲙ̀ⲫⲟⲟⲩ) ⲉⲧⲁⲥϣⲱⲡⲓ ⲟⲛ ⲛ̀ⲟⲩⲃⲁⲥⲓⲥ ⲉ̀ⲟⲩⲱⲣⲡ ⲛ̀ϯϫⲟⲙ ⲉ̀ϯⲤⲩⲣⲓⲁ̀.

Ⲁⲩⲑⲟⲙⲥϥ ϧⲉⲛⲡⲓⲙϩⲁⲩ ⲉⲧϧⲉⲛϯ-Ϧⲉⲗⲗⲟⲧ ⲛ̀ⲧⲉⲛⲓⲟⲩⲣⲱⲟⲩ ⲟⲩⲟϩ ⲉ̀ⲧⲁⲩϫⲉⲙϥ ϧⲉⲛ1881. Ⲁⲩⲟⲩⲱⲛϩ ⲙ̀ⲡⲉϥⲧⲁⲫⲟⲥ ϧⲉⲛⲡⲓ-Ⲙⲟⲩⲥⲉⲓⲟⲛ ⲛ̀ⲣⲉⲙⲛ̀ⲭⲏⲙⲓ ϧⲉⲛⲂⲁⲃⲩⲗⲱⲛ ⲛ̀Ⲭⲏⲙⲓ.