Wp/cop/Ⲑⲙⲟⲛⲏ
| ϯⲙⲉⲧⲁ̀ⲣⲁⲃⲟⲥ: المنيا | |
 | |
| Ϯⲇⲓⲟⲓⲕⲏⲥⲓⲥ | |
|---|---|
| Ϯⲭⲱⲣⲁ | Ⲭⲏⲙⲓ |
| Ⲑⲱϣ | Ⲑⲙⲟⲛⲏ |
| Ⲡⲓⲁⲫⲉ | Ⲁ̀ⲗⲓ Ϩⲁⲥⲁⲛ ⲡⲓⲢⲉϥϯⲥⲃⲱ |
| Ϯⲅⲉⱀⲅⲣⲁⲫⲓⲁ̀ | |
| Ⲡⲓϣⲁⲩ | ⲭⲙ² |
Ⲑⲙⲟⲛⲏ (ⲙ̀ⲙⲉⲧⲣⲉⲙⲫⲣⲏⲥ: Ⲧⲙⲟⲟⲛⲉ, ϯⲙⲉⲧⲁ̀ⲣⲁⲃⲟⲥ: المنيا) ⲟⲩⲃⲁⲕⲓ ϧⲉⲛⲬⲏⲙⲓ ⲧⲉ ⲉ̀ⲧⲉ ϯⲙⲏⲧⲣⲟⲡⲟⲗⲓⲥ ⲛ̀ⲧⲉⲐⲙⲟⲛⲏ ⲡⲓⲑⲱϣ.
Ϯϩⲓⲥⲧⲟⲣⲓⲁ̀
[edit | edit source]Ϯⲙⲉⲧⲭⲣⲓⲥⲧⲓⲁⲛⲟⲥ ϧⲉⲛⲐⲙⲟⲛⲏ ⲁⲥⲟⲩⲱⲛϩ ⲛ̀ϣⲟⲣⲡ ϧⲉⲛⲡⲓⲥⲏⲟⲩ ⲛ̀ⲧⲉⲛⲓⲣⲱⲙⲉⲟⲥ. Ⲡⲓⲥⲩⲛⲁⲝⲁⲣⲓⲟⲛ ⲛ̀ⲣⲉⲙⲛ̀ⲭⲏⲙⲓ ϥ̀ⲥϧⲁⲓ ϫⲉⲡⲓⲙⲁⲣⲧⲩⲣⲟⲥ Ⲁ̀ⲡⲁ Ⲡⲟⲓⲙⲏⲛ, ⲉ̀ⲧⲁϥⲙⲟⲩ ϧⲉⲛⲧⲁⲣⲭⲏ Ⲇ̅ ⲛ̀ⲉ̀ⲱⲛ ⲛⲉ ⲟⲩⲣⲉⲙⲙ̀ⲃⲁⲕⲓ ⲡⲉ ⲉϥⲟⲩⲱⲛϩ ⲙ̀ⲡⲓϫⲓⲛϣⲱⲡⲓ ⲛ̀ⲟⲩⲕⲟⲩϫⲓ ⲛ̀ⲭⲣⲓⲥⲧⲓⲁⲛⲟⲥ ϧⲉⲛⲡⲁⲓⲥⲏⲟⲩ. Ⲁ̀ⲫⲟⲩ Ⲥⲁⲗⲓϩ ϥ̀ϫⲱ ⲛ̀ϣⲗⲟⲗ ⲥⲛⲁⲩ ϫⲉⲟⲩⲭⲣⲓⲥⲧⲓⲁⲛⲟⲥ ⲛ̀ⲣⲉⲙⲙ̀ⲃⲁⲕⲓ ⲡϣⲏ Ϩⲁⲥⲏⲃ ⲁϥϩⲓⲥⲉⲛϯ ⲙ̀ⲡⲓϯⲙⲓ ⲉ̀ⲧⲁⲩⲙⲟⲩϯ ⲉ̀ⲣⲟϥ ⲟⲛ ϫⲉⲐⲙⲟⲛⲏ Ⲁ̀ⲡⲁ Ⲫⲓⲥ ⲉⲑⲃⲉⲟⲩⲁ̀ⲅⲓⲟⲥ ⲛ̀ⲧⲉϯⲭⲱⲣⲁ. ϦⲉⲛⲒ̅Ⲃ̅ ⲛ̀ⲉ̀ⲱⲛ ϯⲃⲁⲕⲓ ⲁⲥϣⲱⲡⲓ ⲛ̀ⲟⲩⲛⲓϣϯ ⲙ̀ⲙⲁ ⲛ̀ⲧⲉϯⲉⲕⲕⲗⲏⲥⲓⲁ̀, ⲉ̀ⲣⲉⲟⲩⲟⲛⲧⲁⲥ 11 ⲛ̀ⲉⲕⲕⲗⲏⲥⲓⲁ̀ ⲛⲉⲙⲙⲟⲛⲁⲥⲧⲏⲣⲓⲟⲛ ⲥⲛⲁⲩ ⲉⲩⲧⲟⲓ ⲉ̀ϯⲁ̀ⲅⲓⲁ̀ Ⲑⲉⲟ̀ⲧⲟⲕⲟⲥ, ⲡⲓⲁ̀ⲅⲓⲟⲥ Ⲅⲉⲱⲣⲅⲓⲟⲥ, ⲡⲓⲁⲣⲭⲏⲁⲅⲅⲉⲗⲟⲥ Ⲙⲓⲭⲁⲏⲗ, ⲡⲓⲁ̀ⲅⲓⲟⲥ Ⲙⲉⲣⲕⲟⲩⲣⲓⲟⲥ ⲛⲉⲙϩⲁⲛⲕⲉⲁ̀ⲅⲓⲟⲥ. Ⲛⲓⲥϧⲁⲓ ⲛ̀ⲁ̀ⲣⲁⲃⲟⲥ ⲙ̀ⲫⲣⲏϯ ⲛ̀Ⲁⲗ Ⲙⲁⲕⲣⲓⲍⲓ ⲛⲁⲩⲱⲡ ⲛ̀6 ⲛ̀ⲉⲕⲕⲗⲏⲥⲓⲁ̀ ⲉⲩⲉⲣϩⲱⲃ ϧⲉⲛⲒ̅Ⲉ̅ ⲛ̀ⲉ̀ⲱⲛ.
Ⲕⲉⲡⲉⲣ Ⲑⲙⲟⲛⲏ Ⲁ̀ⲡⲁ Ⲫⲓⲥ ⲛⲁⲥⲉⲣϩⲱⲃ ⲙ̀ⲫⲣⲏϯ ⲛ̀ⲟⲩⲙⲁ ⲛ̀ⲑⲱⲟⲩϯ ⲛ̀ⲭⲣⲓⲥⲧⲓⲁⲛⲟⲥ ⲛ̀ϩⲁⲛϣⲉ ⲛ̀ⲣⲟⲙⲡⲓ, ⲡⲉⲥϯⲙⲁ ⲙ̀ⲫⲣⲏϯ ⲛ̀ⲟⲩⲑⲣⲟⲛⲟⲥ ⲛ̀ⲉ̀ⲡⲓⲥⲕⲟⲡⲟⲥ ⲁⲩⲥϧⲁⲓ ⲉⲑⲃⲏⲧϥ ⲓⲥϫⲉⲛ1145, ⲉ̀ⲧⲉ ⲡⲓⲥⲏⲟⲩ ⲉ̀ⲧⲁ ⲡⲓⲡⲁⲧⲣⲓⲁⲣⲭⲏⲥ Ⲙⲓⲭⲁⲏⲗ ⲑⲱϩⲥ ⲛ̀Ⲥⲁⲛⲟⲩⲛ ⲛ̀ⲉ̀ⲡⲓⲥⲕⲟⲡⲟⲥ ⲛ̀ϯⲃⲁⲕⲓ. Ϩⲁⲛⲕⲉⲉ̀ⲡⲓⲥⲕⲟⲡⲟⲥ ⲁⲩⲟⲩⲱⲛϩ ϧⲉⲛ1330, 1763 ⲛⲉⲙϧⲉⲛⲒ̅Ⲑ̅ ⲛ̀ⲉ̀ⲱⲛ ⲧⲏⲣϥ, ⲉ̀ⲣⲉ ϯⲙⲉⲧⲉⲡⲓⲥⲕⲟⲡⲟⲥ ⲭⲏ ϧⲉⲛⲡⲓⲙⲁϩ7 ⲛ̀ⲧⲁⲝⲓⲥ ϧⲉⲛⲬⲏⲙⲓ ϧⲉⲛ1920. ⲒⲥϫⲉⲛⲒ̅Ⲏ̅ ⲛ̀ⲉ̀ⲱⲛ ⲛⲓϥⲁⲓϣⲉⲛⲛⲟⲩϥⲓ ⲙ̀ⲡⲉⲙϩⲓⲧ ⲛ̀ⲕⲁⲑⲟⲗⲓⲕⲟⲥ ⲁⲩϭⲱϫⲓ ⲛ̀ⲥⲁ ϯⲭⲱⲣⲁ. Ⲟⲩⲁ̀ⲛⲁⲫⲟⲣⲁ ⲛ̀ⲧⲉ1763 ⲁⲥⲱⲡ ⲛ̀35000 ⲛ̀ⲭⲣⲓⲥϯⲁ̀ⲛⲟⲥ ϧⲉⲛϯⲙⲉⲧⲉⲡⲓⲥⲕⲟⲡⲟⲥ. Ⲙ̀ⲫⲟⲟⲩ Ⲑⲙⲟⲛⲏ ⲥⲟϫⲓ ⲛ̀ⲟⲩⲁⲓ ⲛ̀ⲛⲓⲛⲓϣϯ ⲙ̀ⲙⲁ ⲛ̀ⲧⲉϯⲉⲕⲕⲗⲏⲥⲓⲁ̀ ⲛ̀ⲕⲁⲑⲟⲗⲓⲕⲟⲥ ⲛ̀ⲣⲉⲙⲛ̀ⲭⲏⲙⲓ ϧⲉⲛⲑⲙⲏϯ ⲛ̀ⲧⲉⲬⲏⲙⲓ ⲉⲧⲥⲁⲡϣⲱⲓ.
Ϯⲙⲉⲑⲃⲁⲗⲇⲉⲙⲟⲥ
[edit | edit source]Ⲡⲓⲇⲉⲙⲟⲥ
[edit | edit source]Ϥⲟⲓ 30.000 ⲛ̀ⲣⲱⲙⲓ ⲛ̀ϫⲉⲡⲓⲇⲉⲙⲟⲥ.
Ϯⲑⲣⲉⲥⲕⲓⲁ̀
[edit | edit source]Ϩⲁⲛⲙⲏϣ ⲛ̀ⲭⲣⲓⲥϯⲁⲛⲟⲥ ⲥⲉϩⲉⲙⲥⲓ ⲉ̀Ⲑⲙⲟⲛⲏ.
Ϯⲡⲁⲓⲇⲓⲁ̀
[edit | edit source]Ⲟⲩⲟⲛⲡⲓⲙⲁ ⲛ̀ⲑⲱⲟⲩⲧⲥ ϧⲉⲛϯⲃⲁⲕⲓ ⲉ̀ⲧⲉ ⲡⲓⲙⲁ ⲛ̀ⲑⲱⲟⲩⲧⲥ ⲛ̀ⲧⲉⲐⲙⲟⲛⲏ.