Wp/cop/Ⲑⲣⲉⲥⲕⲓⲁ̀ ⲛ̀ⲣⲉⲙⲛ̀ⲭⲏⲙⲓ ⲛ̀ⲁ̀ⲡⲁⲥ

Ⲟⲩⲥⲧⲏⲗⲏ ⲉⲥⲉⲣⲍⲱⲅⲣⲁⲫⲓⲛ ⲛ̀ϯⲕⲩⲣⲓⲁ̀ Ϫⲉϣⲉⲛⲥⲁⲛϣ ⲉⲥϯ ⲛ̀ϩⲁⲛⲇⲱⲣⲟⲛ ⲛ̀ⲧⲉϩⲁⲛϧⲣⲉ ⲛⲉⲙϩⲁⲛⲥ̀ⲱ ⲛⲉⲙϩⲁⲛϩ̀ⲣⲏⲣⲓ ⲉ̀Ⲣⲏ-Ϩⲁⲣⲁϣⲓ.

Ⲛⲉϯⲑⲣⲉⲥⲕⲓⲁ̀ ⲛ̀ⲣⲉⲙⲛ̀ⲭⲏⲙⲓ-ⲧⲉ ϯⲑⲣⲉⲥⲕⲓⲁ̀ ⲛ̀ⲁ̀ⲡⲁⲥ ⲛ̀ⲧⲉⲬⲏⲙⲓ. Ⲟⲩⲟⲛⲧⲁⲥ ϩⲁⲛⲙⲏϣ ⲛ̀ⲉⲛⲑⲏⲣ. Ⲛⲉϧⲉⲛϯ-Ⲙⲉⲧⲟⲩⲣⲟ ⲙ̀ⲃⲉⲣⲓ ⲛ̀ⲧⲉⲛⲓⲟⲩⲣⲱⲟⲩ ⲛ̀ϣⲉⲛ̀ⲣⲁⲙⲥⲏⲥ ⲡⲓⲛⲓϣϯ ⲛ̀ⲛⲟⲩϯ-ⲡⲉ Ⲁ̀ⲙⲟⲩⲛ.

Ⲡⲓⲥⲱⲛⲧ

Ⲛⲓⲣⲉⲙⲛ̀ⲭⲏⲙⲓ ⲛ̀ⲁⲣⲭⲉⲟⲥ ⲛⲁⲩⲛⲁϩϯ ϫⲉϧⲉⲛⲧⲁⲣⲭⲏ ⲡⲓⲕⲟⲥⲙⲟⲥ ⲛⲁϥⲙⲉϩ ⲉ̀ⲃⲟⲗ ϧⲉⲛⲛⲓⲙⲱⲟⲩ ⲛ̀ⲭⲁⲕⲓ ⲛ̀ⲧⲉⲡⲓⲭⲁⲱⲥ. Ⲁϥⲓ̀ ⲉ̀ⲃⲟⲗ ϧⲉⲛⲡⲁⲓⲙⲱⲟⲩ ⲛ̀ϫⲉⲢⲏ-Ⲁⲑⲱⲙ ⲡⲓϣⲟⲣⲡ ⲛ̀ⲛⲟⲩϯ. Ⲁϥⲑⲁϣϥ ⲟⲩⲟϩ ⲫⲁⲓ ⲁϥⲑⲁⲙⲓⲟ ⲛ̀ⲛⲓⲛⲟⲩϯ Ϣⲱ ⲉ̀ⲧⲉⲡⲓⲛⲟⲩϯ ⲙ̀ⲡⲓⲛⲓϥⲓ ⲛⲉⲙⲐϥⲏⲛⲓ ⲉ̀ⲧⲉϯⲛⲑⲱⲣⲓ ⲛ̀ⲧⲉⲡⲓⲗⲁϫⲁⲛ. Ⲡⲓⲕⲟⲥⲙⲟⲥ ⲁⲩⲑⲁⲙⲓⲟϥ ϩⲟⲧⲉ ⲉ̀ⲧⲁ-Ϣⲱ ⲛⲉⲙⲐϥⲏⲛⲓ ϫ̀ⲫⲉϣⲏⲣⲓ ⲥⲛⲁⲩ ϫⲉⲚⲏ ⲉⲧⲉϯⲛⲑⲱⲣⲓ ⲛ̀ⲧⲉⲧⲫⲉ ⲛⲉⲙⲔⲏⲃⲕⲓ ⲉ̀ⲧⲉⲡⲓⲛⲟⲩϯ ⲙ̀ⲡⲕⲁϩⲓ. Ⲛⲓⲣⲱⲙⲓ ⲁⲩⲑⲁⲙⲓⲱⲟⲩ ϩⲟⲧⲉ ⲉ̀ⲧⲁ-Ϣⲱ ⲛⲉⲙⲐϥⲏⲛⲓ ⲙⲟϣⲓ ϧⲉⲛⲡⲓⲭⲁⲕⲓ ⲟⲩⲟϩ ⲁⲩⲥⲱⲣⲉⲙ. Ⲣⲏ-Ⲁ̀ⲑⲱⲙ ⲁϥⲟⲩⲱⲣⲡ ⲙ̀ⲡⲉϥⲃⲁⲗ ⲉ̀ⲕⲱϯ ⲛ̀ⲥⲱⲟⲩ. Ⲙⲉⲛⲉⲛⲥⲁ ⲑ̀ⲣⲉϥϫⲉⲙⲟⲩ, ⲛⲉϥⲉⲣⲙⲱⲟⲩⲓ̀ ⲛ̀ⲧⲉⲡⲉϥⲣⲁϣⲓ ⲁⲩⲉⲣⲣⲱⲙⲓ.

Ϩⲁⲛⲁⲣⲭⲉⲟⲥ ⲛ̀ⲁⲟⲩⲏⲧ

Ⲡⲓⲁⲟⲩⲏⲧ	Ⲡⲓⲧⲟⲡⲟⲥ	Ⲡⲓⲁⲣⲭⲏⲛⲟⲩϯ
Ⲡⲓⲯⲓⲧ	Ⲱⲛ	Ⲁ̀ⲑⲱⲙ
Ⲡⲓϣⲙⲏⲛ	Ϣⲙⲟⲩⲛ	Ⲑⲱⲟⲩⲧ
Ϩⲛⲟⲩⲙ ⲛⲉⲙⲤⲟϯ ⲛⲉⲙⲀ̀ⲛⲟⲩⲕⲓ	Ⲓⲏⲃ	Ϩⲛⲟⲩⲙ
Ⲁ̀ⲙⲟⲩⲛ ⲛⲉⲙⲘⲱⲑ ⲛⲉⲙϢⲟⲛⲥ	Ⲛⲏ	Ⲁ̀ⲙⲟⲩⲛ
Ⲫⲑⲁϩ ⲛⲉⲙⲤⲁϣⲙⲓ ⲛⲉⲙⲚⲉϥⲑⲏⲙ	Ⲙⲉⲛϥⲓ	Ⲫⲑⲁϩ