Jump to content

Wp/chn/kʰuushtaa-kʰaa

From Wikimedia Incubator
< Wp‎ | chn
Wp > chn > kʰuushtaa-kʰaa

kʰuushtaa-kʰaa (ɬinkit-lalang: kóoshdaa káa, "nanamuks-man"), ixt skukúm kʰapa ɬinkit-tilixam ɬaska ul ikʰanəm ukuk.

ikta ixt nanamuks-man?

[edit | edit source]

kakwa ’Watsa kʰapa t’smsyən-tilixam ɬaska ikʰanəm, Nat’ina kʰapa tənaʔina-tilixam ɬaska ikʰanəm, əbə yuppik ɬaska urayuli ixt kóoshdaa káa.

kʰuushtaa-kʰaa ɬaska chaku kakwa ixt man əbə ixt nanamuks pus ɬaska tiki, pi ixt-ixt ɬaska chaku kakwa x̣luyma ikta. hayu ɬinkit ɬaska təmtəm x̣awqaɬ-pus-chaku-skaləmən ixt kʰuushtaa-kʰaa, wəx̣t hayu ɬinkit ɬaska təmtəm: kʰuushtaa-kʰaa ɬaska chaku skaləmən əbə [dret]-nanamuks pus tiki. wəx̣t hayu ɬinkit ɬaska wawa: dret kʰuushtaa-kʰaa ɬaska hihi pus munk-kakwa-piltən ɬinkit-shipman pi ata ukuk shipman ɬaska miməlust. qʰex̣chi kʰapa ɬinkit-tilixam ɬaska x̣luyma yaʔim, kóoshdaa káa ɬaska munk-yeʔlan tilixam qʰənchi ɬaska t’sulu. kʰapa hayu ikʰanəm, pus ixt kʰuushtaa-kʰaa yaka t’ɬap mayka, mayka nanich mayka shiksh pi mayka wik-saya tilixam kakwa nanamuks, pi wəx̣t alta mayka chaku ixt kʰuushtaa-kʰaa. qʰənchi mayka chaku ixt nanamuks-man, wik mayka chaku-kʰul. qəx̣chi, wəx̣t ɬinkit tilixam ɬaska wawa: kʰuushtaa-kʰaa ɬaska kʰilay kakwa tənas əbə ɬaska hayash-wawa kakwa ɬuchmən pus munk-ɬatwa-kʰapa-stalu mayka. qʰənchi mayka ɬatwa kʰapa stalu, uk kʰuushtaa-kʰaa yaka munk-miməlust mayka pi munk-t’ɬəx̣ mayka, əbə t’ɬunas mayka chaku ixt kʰuushtaa-kʰaa.

ɬinkit-tilixam ɬaska wawa: wik kʰuushtaa-kʰaa ɬaska chaku-wik-saya mayka pus mayka iskam pʰil-chikʰəmin, pis, kʰamuksh, əbə t’ɬunas pʰaya.

qʰiwa kʰuushtaa-kʰaa ɬaska məkʰmək hayu tənas, hayu tilixam ɬaska təmtəm: anqati ɬinkit-mama ɬaska yaʔim iləp-ul kʰuushtaa-kʰaa-ikʰanəm qʰiwa wik ɬaska tiki pus ɬaska tənas ɬaska chaku wik-saya saltsəqw pus wik kʰanumakwst tilixam ɬaska.

wəx̣t kʰuushtaa-kʰaa ɬaska munk ixt dret-sax̣ali nuwis, pi ukuk nuwis t’uʔan ɬun sitkum, kakwa ukuk: sitkum-sax̣ali, alta dret-sax̣ali, alta sitkum-sax̣ali.

kʰapa buk pi chxi ikʰanəm

[edit | edit source]

Pamela Rae Huteson yaka munk-t’səm hayu ul ikʰanəm kʰapa Legends in Wood: Stories of the Totems. kʰapa ukuk buk, mayka nanich War With the Land Otter Men ("saliks kʰanumakwst nanamuks-man"). wəx̣t Pamela Rae Huteson yaka munk-t’səm Kooshdakhaa Den "kʰuushtaa-kʰaa yaka haws-ɬxwap". wəx̣t mayka nanich nanamuks-man kʰapa Garth Stein yaka Raven Stole the Moon. Harry D. Colp yaka munk-t’səm kʰapa ixt man pi ixt kʰuushtaa-kʰaa kʰapa yaka "iləp-x̣luyma ikʰanəm."

David Pierdomenico yaka munk-t’səm Kushtaka, ixt buk pus iskam k’was. kʰapa 2015, William Giraldi yaka munk-t’səm Hold the Dark, pi kʰapa ukuk buk hayu nanamuks-man. wəx̣t Ann Caffrey yaka Maelstrom t’uʔan hayu kʰuushtaa-kʰaa.

kʰuushtaa-kʰaa kʰapa x̣ələl-pʰikcha-lakʰaset

[edit | edit source]

kʰapa 2015, kʰuushtaa-kʰaa chaku kʰapa The Discovery Channel.