Wp/bzj/Hischri a Bileez (1506–1862)

Bileez deh pahn di ees koas a Senchral Amerika, sowtees a Meksiko. Hoo mi liv ya da-mi indijinos peepl hoo mi fait aaf di peepl fahn Spayn soh mek dehn prisaav dehn heritij ahn noh sofa laik dehn nayba hoo di Spanish mi kongka. Sayhn taim dis mi-di hapn, British pairat dehn uda teef fahn Spanish merchant ship ahn mek dehn way chroo di showl ahn smaal ailan dehn. Dehn eevn mi gaahn op riva fi haid di richiz dehn mi teef. Di indijinos peepl a Bileez neva fait aaf di British laik dehn mi du di Spanish. Bot eena di 17t senchri, di British setlment bikom wahn ofishal British kalani fahn 1862 tu 1964. Eena 1964, Bileez geh self-govament ahn layta eena 1981, Bileez geh ih indipendans. Di werl aksep it, tugeda wid aal ih lan ahn see. Joorin di 18t senchri, di British mi bring peepl hoo mi foas fi bee slayvz, fahn di Kongo ahn Angola.