Wp/brh/Jhallak

From Wikimedia Incubator
< Wp‎ | brhWp > brh > Jhallak
Jump to navigation Jump to search

Jhallak páŧ aŧ joŕ marek o drassamkás áte taring o rotk joŕ kanning kin kárem ittik.

Droşum o Başx ák[edit]

Jhallak asi fuŧŧ aná kacco uşkuno páŧ ase aŧ joŕ carx ámbár marek. Andá páŧ e Sáráván aŧí tír o Jháláván aŧí dár pára. Şef e ta jhallak ná liŧŧik o buŕz aná kunđ e jhallak ná káŧum páningik. Dáná káŧum ná kunđá taeŧí val kunisá nişán marera, aráfte Sáráván aŧí şam, Jháláván aŧí for o Xárán aŧí zubán pára. Jhallak ná şef aná kunđ şill marek.

Tír ná nema ģán buŕzá (buŕz án murģuní ná cáramíko başx á) irá or patano cár páŧ marera. Dáfte parra pára. Maxlúk dá parra ģátiá tená şaonk akin vaŕ vaŕ aná nakş nigárí kek. Geştir parra ģátiá xuting aŧ sáhdár ya pann o pull átá nakş joŕ kera.

Kárem ná vaŕ[edit]

Kárem karoká ná asi dúŧí drassam yá kás marera o elo dúŧí jhallak torok marek. Drassam yá kás átián macciŧ jhallak ná káŧum aŧí tirisá valdá jhallak e pherí as tiningik, aráŕán amo puŧ áteŧí val barisá kek. Val kunoká rotk áte avalsar jhallak ná parra ģátá zí án peŕisá kára, aráfte pahor pára. Vaxtas ki ziát massur to ofte avval dú á, valdá jhallak ná şef aná kunđá peŕira. Andun jhallak ná şef am pur mass to ofte malira o giŕik joŕ karisá asi jága ģá xuandí kera, aráfk áfşing o ganđik manning án baccira.

Jhallak aŧ páhválí maxlúk şaonk aŧ toling ton avár carrengisá am kárem karisá kára.

Laozánk o Cágiŕd aŧí Jága[edit]

Jhallak ná báravaŧ Bráhuí ŧí cácá as are, ki:

pherí kunek, píuno dastár ase ta

Xalkí o şaer ase, ki:

ŧikk o nadára ná jhallak ná tír á
xavá e arfenuŧ káva í dír á

Asi pen xalkí o şaer ase, ki:

jhallak trang e ur zeb ján ná
zah xuáfing zabar e cunká zahpán ná

Jhallak ná Táríx[edit]

Elo ráj áteŧí am jhallak ná đass o nişán millik.

Dáfte am ur[edit]