Wp/brh/Farvarí
| Janvarí · | Farvarí · | Márc · | Aprel · | Maí · | Jún · | Jaoláí · | Agast · | Satumbar · | Aktúbar · | Naombar · | Dasumbar |
Farvarí ná tú Júlíáí o Gregorí sáldar áteŧí sál aná iraŧamíko tú e. Dá tú tá kull án guanđ ingá tú e o amo yaka á tú e ki 30 án kam de marera iŧí ta. Drikk (leap) Sál teŧí dá tú aŧí 29 de marera. Dá drikk sál ák amo sál áko ki cár aná zíyá barobar başx manning kera (amo sál átián abed aráfk Gregorí sáldar aŧí 400 aŧ na balki 100 aŧ başx marera). Elo sál teŧí dá tú aná 28 de marera. Đaģár ná Soelí Nema ŧí dá tú mosum ná hisáb aŧ Kutubí Nema ŧí Agast ná maŧŧ e.
Táríx[edit | edit source]
Farvarí ná pin Latin laoz februm án peştammáne arásiŧ ná matlab e pák manning, Februa pák manning ná dod án allingáne ki mutkuná Roman sáldar ná 15 Farvarí á ađđ tiningáka. Janvarí o Farvarí guđđíko irá tú assur ki Roman sáldar aŧí avár kanningár, okán must Roman ák seļ e be tú á daor lekára. Dáfte 700 BC ná xuŕk áteaŧ Numa Pompilius avár şáģá. Decemvirs (c. 450 BC) ná vaxt iskán Farvarí sáldar sál aná áxríko tú ass, ki valdá iraŧamíko tú mass. Bház rand átiá Farvarí e 23 yá 24 de aŧí guanđ kanningáka; asi 27 de aná miyánsáldar tú, Intercalaris, as Farvarí án rand şáģingáka, o dá xátirán ki sál e mosum to amridd kanningi.
Júlíáí sáldar e ating kin maroká radbadal átá vaxtá Intercalaris e xatam kanningá o drikk (leap) sál ák rid aŧ ar cáramíko sál á kanningár (mana sál káŧum túltav), o drikk (leap) aná sál teŧí Farvarí e asi 29amíko de as rasengá. Okán pad, dá sál aná iraŧamíko tú rahengá, matlab amo rid aŧí ki sáldar aseŧí sál aná túk hisáb kanningira (Janvarí, Farvarí, Márc, ..., Dasumbar). Gregorí sáldar ná biná ná vaxtá drikk (leap) sál te gicen kanning ná nizám aŧí zaras radbadal kanningá o 29 de aná Farvarí as rahengá iŧí ta.
Xás á dek[edit | edit source]
- Sirí Lanká ŧí Ájoí ná De: Farvarí 4
- Vaelanŧín ná (Valentine's) De: Farvarí 14
- Kaeneđá ŧí Baerak ná De: Farvarí 15
- Lummaí Bolí tá Miyánustumání De: Farvarí 21
- Maeksíko ŧí Baerak ná De: Farvarí 24
- Koet aŧí Ájoí ná De: Farvarí 26
- Drikk (Leap) De: Farvarí 29 (Ar cáramíko sál á)