Jump to content

Wp/blc/Qw'xwmtimut

From Wikimedia Incubator
< Wp‎ | blc
Wp > blc > Qw'xwmtimut

Qw'xwmtimut-tum wa qw'xwmtimutaylayc wa tsictsik. Ayalhawk'w wa qw'xwmtimut ts ala mnmnta ts.

ti qw'xwmtimut, alh Q'umk'uts. Nacliwatimut tc ska tl'antl'aps ula apsulhuks, putl'tus wa mail

ti s7alh7ayutsilh c ats[edit | edit source]

S7alats’ilh s7alh7ays wa qw’xwmtimut, tsutilh smukuulh ats, slhk’uulh ats, yayuulh ats.[1] Alhay ats ca satl’a, ca lhalas s7alh7ayutsilh. Smntskalhilh wa qw’xwmtimut, tsutilh “smawaalh ti qw’xwmtimut, lhwasaalh wa qw’xwmtimut, asmusalh wa qw’xwmtimut – alh7ay wa qw’xwmtimut ca am7amatuuts, ca qwanilh, ca qinx, smntskalhilh. Nmpimutnu ulh ti qw’xwmtimut tc, umnu alh tc.[2]

ti qwitaalh ti qw'xwmtimut

wa qw'xwmtimutlh wa ts'kta[edit | edit source]

ti quxta tc[edit | edit source]

Ti quxtas ti nusq'kwtas ti Porschetum ti qw'xwmtimut

Tic t’ayc ti quxtas ti nusq’kwta tc, qwiixwits, tpiixwits. Tsutaw tuu tapiixwits – alh7ayutsaw c txw spaqi7yalas tc. Ka trucks tsutakw’ “ala kulhaax ts”.[1]

wa layt ts[edit | edit source]

Wic ats wa layts ti qw'xwmtimut

K’cicw tuu wa layt ats – wa kulhaaxlh wa layt ts, wa asanklh wa layt ts – alhi tuu wa nuksaaxalhmlh wa layt, n wa nulikw’tsutlh wa layt. Alhnapits s7alh7ayutsaw c tu layt txw ala sulh ts – sinuxi, nuxi – axkuks alhnapits si7axw alh7ayutsaw ala alh7ay ats – “wa layt ts” tsutsuts Winat n Tsukwa. [1][3]

wa winta ts[edit | edit source]

tic ti wintas ti Edsel-tum ti qw'xwmtimut

Wic ats wa wintas ti qw'xwmtimut – ti paaxlhh ti winta tc, wa numutstalh wa winta ts. Alh7ayutsmim wa winta ts ca ssinuxis – k’am7ayutsliwas ca layt ts. Wic its’ik si7alh7ayutsmits ca winta – alh7ayutsaw tuu Arthur, Winat, Tsukwa alh7ayutsmit kw’ ts.[1][2][3]

ti nutasikta tc[edit | edit source]

Nutasikta-tum ti alh7ay, yustamkim si7alhkaltcwmtst skannimutnu, stasaynicicw ti ka stam.

ti nuscwmalusikta tc[edit | edit source]

Tic ti nuscwmalusikta tc wa umats wa scwmalusta ts snuxumtucw ts.– nuqwyutsits, numutsits. Tic kuks t’ayc ti tpiixws tc, qwiixwits, tpiixwits. Alh7ays st’sals tc stl’yukamkilh tc.[1]

wa tcamatlhhs wa qw'xwmtimut ts[edit | edit source]

Alh7ay tu swayclh wa qw’xwmtimut ts ula tl’mstnuksilh ts. Alh tu ayk’ txw, k’acws ka alh7ay. txulhlxslancwam ts’n wiclh tu spunputl’tum wa siqw’xwm ts ula kulhulmcilh ts, slongloksmnaw ala sulutilh ts.[2] Axw ayk’liwas alhtxw snukwtl’ikim wa siqw’xwm ulh ta puutaw txw – wa palmertum ts.[1] Acwsanliwanaw wa amatalaaxtilh alh ts, skw’pstakmit wa alh7ay. Asnuxalkmcutsaw tukw’ s7alhaytut wa siqw’xwm ts ala puutaw ts.

alh7ays spaaxtim wa ays7ays wa qw'xwmtimut[edit | edit source]

Trak-tum wa clhpaqi7yala wa qw'xwmtimut. lhalastumkw'matuu c Tsukwa.[1] tsrakta-tum wa sikwtl'a wa qw'xwmtimut, n wa tasulmctnm ts. pas-tum wa alh7ay, stl'aptutit wa qiqpi ts ula acwsalcta ts. payk-tum wa clhsiqw'xwm wa tsictsikalh ts. smawtsii sqw'xwmtimut-tum wa acwlh ts.

ti s7alh7aytimuts tc sqw'xwmtimuts[edit | edit source]

kwtl'im wa taya ts ala likw'aalhta ts. Likw’tum wa likw’aalhta ts, wa anulikw’muulh ts, ca lik’uulhta ts, likw’tum wa lik’uulhta ts c ti nulisaaxta tc. likw’tum ti nulisaaxta tc c ti nuqw’xwmta tc, alh7aytum t’ax c ti siqw’xwm tc.[1][3]

References[edit | edit source]

  1. 1.0 1.1 1.2 1.3 1.4 1.5 1.6 1.7 James (Tsukwa) Amos Tallio
  2. 2.0 2.1 2.2 Arthur Pootlass
  3. 3.0 3.1 3.2 Godfrey Tallio