Wp/blc/Tsictsik

Astsictsik Harlan Smith, ayalhs ula alht'ts alh Squmalh s7alhqulhuustus ts ca 'plaster'

Tsictsik-tum wa clh7alhlikw'aalh wa lhalas, iksatim k'u ca alhxapaliikw ts. iksatum k'utuu c tu musmus txw.

Wa tcamatlhs wa tsictsik ts

Wayclh sputl'im wa tsictsik ulh Nuxalk. Alh tu ayk' txw, axw alhinaw wa alhxapaliikw ts, was axw yustamkim wa alh7ay wa tsictsik, iksatim c tu tl'msta txw, wics sqw'xwim wa sq'lhkwaw wa tl'mstnuks ala satl'anaw ts, ka alhxapatim ala tl'mstalh wa mnmntanaw ala kulhaaxuts wa anuxumlh ts. Tl'apakakw wa tl'mstalh ts ska nulhkw'aalhtut wa mntanaw ts sputl'aw wa alha7yuuts ts, stasulmcaw alh tu aaxlh t'axw, was alh tu txwnayaax t'axw.