Jump to content

Wp/blc/Nan

From Wikimedia Incubator
< Wp‎ | blc
Wp > blc > Nan

Tic ti nan ti lhkw'anaats ti mukwliits ti issq'alh ti nmnmk'. Kw'alhtntas tuu ti nan tc.

alhqulhuusim ti nan t'ayc alh Nuxalk, alh "Middle Lake"

Acwsalctimutts ala slhk'mstalh ts[edit | edit source]

Tic t'ayc ti nan. alhi ti nan tc ala asikaax ts. Alhi tuu ti nan tc ala anuxum ts. Tsituma ti nan tc ala amataqw'ss ts. Alhps ti nan tc ca smlhk. Mukwliits ti nan tc. Axw paaxu ti nan tc ala stam.

ti s7alh7aynaw[edit | edit source]

lhkw' tu wa nan ts. mukwliitsaw tuu. lhkw'aw ats ala tl'a ts. tsakw wa nanlqsalh ts alh tu naps ti tl'a. Alh7aylqsalhs ti nan sitsiiqnkas tc. Nu7usqnamktit wa nannii ts sutkams. clhmnalcaw ca lhnuslt, ka asmuslt. Naycalhit wa nanni ts ilh stanaw ilh ula smalancwamnaw ts. Paaxulhlaliwanaw tu cnaaslhh tu nan txw s7alhkaltcwmtit wa mnmntsinaw ts.

tsakw wa nanlqsalh ts alh tu naps ti tl'a. tsiiqnkanaw c ts

wa amatapsulhaw ts[edit | edit source]

alhqulhuusim ti k'cicw tc wiclh tu naastcwiks wa amataqw's ti nan, ala tl'uk'ankiixws ti smt tc alh Snuqaax.

sutkams, snusk'luts, tsitumanaw wa nan ts ula amataqw'saw ts. Ays7ays wa umatstum wa amataqw'saw ts. Qnk wa acwlh ts ala t'xt, anutsiixlh ts ca nanlqsalhaw ts. S7amlhams, stakanaw wa smlhk ts ula anuxum ts, alhitimutaw wa nan ts ala axw ixw ts ala amats wa snknicaw ts. Tamsxitstanaw ts ala kulhulmc ts alhtxw. kamalh-liclic wa sqaluts, wa apls, wa tsalis, ayalhaw wa nan ts ula amats wa sininitsaw. Tamsxitstanaw alhtxw ala kulhnks wa aplslhp ts, ala slaws ts.

wa sininitsaw ts[edit | edit source]

isslaws ti nan t'ayc
Wic ats wa amataqw's ti laakts, tsiixaynicim tc c tu nan
kasmlhkaw wa nan ats ala nutl'lh ts ala anuxum ts

Anusyamit wa nan ts wa ays7ays wa knicim. S7a7mlhanmis, tsiiqnkit wa snknicaw ts ala saaxwan ts, was ala tl'uk'ankiixws wa smsmt ts. Alhpsaw tuu ca slaws n wa spustimuut ts. Amlham ts'n, tl'apaw ula anuxum ts sipismanaw alhtxw. Alhpsaw its'ik ca liclic wa sqaluts stxuq'ams. kamalh-xitl'aw lhuu, ka ays7ays wa siknicaw ts sustkanmis - Aynaw tulhuu stsiixit ka mnk ca umatays ala kulhulmc ts.

smaliixwtmacwaw ala tl'mstnuks[edit | edit source]

paaxulhlaliwanaw wa nan ts smaliixwtmacwaw ala tl'mstnuks ts. kamalh sqw'mnicicw ka nan, ka putl'tumt c tc. Wic its'ik si7ists'uutsitimutilh s7usikaaxamlh. Wic its'ik sitsutilh "anulicwalhitulhx Manaakays!" stakanilh ula amataw ts. Kamalh tayamkilh wa s7aylh ts ula axw yas ka umutayc, ka punputl'aw tuu wa nan ts ula sulhilh ts, ka alhpsaw ca ts'ima. Putl'aw tuu ula sqaaqlutslhp ts, sp'aknmaw ala asqalutsak ts siklhs wa sqaluts ula kulhulmc ts. Ka alhitimutaw wa nan ts ala apsulh ts, ka kannimutilh. Wic its'ik si tl'aptulh wa tl'imalh ts ula umatstum snutl'lhs wa qla ts. Wic tuu siq'laxilh wa sqalutslh wa stn ts ca clhtlhta wa q'lax ts. Wic its'ik si7alhklhciknmaw wa C.O ts si7axw sak'amnicim ti wal ka kalaalhmt ti ka nmnmk'.

tu s7alh7aynaw wa amatalaaxtilh ts skalhnanaw txw[edit | edit source]

alh tu ayk' txw t'qwlusim tu nan txw ca lhkw'iilh wa st'qwlusta, kstum ca sim.

wa nan ts ala smayustalh ts n wa smsmalh ts[edit | edit source]

stl'yuk'amktim tu wa nan ts ala smsmalh ts. Wic ma ats wa acwlh ts wa alh7ay wa smsma.

  • Ti stsqaaqatum ti tsitstsipii tc n ti nan tc.
  • Tsi cncnasii tsi talawsmt ti nan
  • wa tcamatlhhaw tu nan txw
  • wa lhxanm swnts'tim c tu nan txw
ti alhq'x ti nan, kslhtum c tu ayk'mlh wa nuxalkmclh wa nusts'kmc ts