Jump to content

Wp/blc/Maxwat'alaqa

From Wikimedia Incubator
< Wp‎ | blc
Wp > blc > Maxwat'alaqa
Ti maxwat'alaqa ala kulhaaxutss wa anuxuxwmi

Maxwat'alaqa-tum ti qiqti ti tsitstsipi, kalaalhmim kw' ala anuxuxwmilh ts ala awcwa. Axwmas waltulhs ti tsitstsipii t'ayc, alhislhuu tc ala kulhulmcilh ts ala sutk ts. Unusyamlh tc stsitstsipiis. Ts'uliits tc.[1] Alh7ays ti icas c tu s7alh7ays ti t'iclhala.[1]


ti s7alh7aynaw ala ts'ktanaw ts[edit | edit source]

ti imantas ti maxwat'alaqa

Tutu-imantanaw wa maxwat'alaqa ts ala statpus wa t'xts ala kulhaaxutss wa nutl'lh wa anuxuxwmi ts. Yanicit ska q'lhkwit wa imantanaw ts ala amats s7ists'kwliwas wa anuxuxwmi ts.[1] Nu7usqnamkit ka lhnus ka musulh wa q'pa ulh tc. Samwiis ilh cnaaslh ilh s7asimlts ala q'pa ts ula snitsmaw ts. Alhpsutim kw' wa qiqipi ts c tu lhnus tu amatalaaxtaw txw. Alhpsaw wa maxwat'alaqa ts ca qlalh wa tsakwliwa, wa qiqti wa xiku, wa [Matskw'|qiqti wa mnmntskw'i], n wa smsmlhki.[1] Anusyamit tuu wa mats'i.[1] K'ilhnuslancwams sninitsaylaylaw ts.

Mulmaw kw'tuu wa maxwat'alaqa ts uuxnk ula anuxuxwmi ts.

tanapsulhaw ala anuxuxwmi ts ala smt ts ula snuk'lcs wa qla ts alh txw. kamalh-nuk'lcs, txuuxnkalhaw ula anuxum ts, ula axw nuk'lcs wa amat ts.[1]

ti sinaaxwmiixws ti maxwat'alaqa[edit | edit source]

Naaxwmamkim ti sinaaxwmiixws maxwat'alaqa c tu tsaatsluksilh txw. Acwsalctutim ska ayalhaw alh Acwsalcta. Nuyamlhaw tuu was naaxwmnaw.

Mulmxasta, maxwat'alaqa, ula mats'inu tski
Mulmxasta, maxwat'alaqa, ula mats'inu tski
uuxnk, uuxnk, uuxnk, uuxnk
utl'uk', utl'uk', utl'uk', utl'uk'

Kamalh-naaxwmaw wa Maxwat'alaqa ts ala t'xtaw ts ala anuxuxwmi ts, tl'uk'tut kw' was qnktut kw' wa suunkwstanaw ts, axw aytut wa aslxsnkaw ts.[1]

References[edit | edit source]

  1. 1.0 1.1 1.2 1.3 1.4 1.5 1.6 Joshua Moody