Wp/blc/Acwsalcta

Acwsalcta tum wa amataw wa acwsalctimut s7acwsalctutim c tu acwsalctnmnaw txw. Tsutakw' tuu wa lhkw'lcilh ats skuls - skultum wa amataw wa skultimut skultutim c tu skultnmaw txw. Alh tu ayk' txw s7ip'tim wa tsatsluksiilh ula kapmntlh wa skul txw, ulh Mlqis, alh7ayutsakw' c tu stl'yukaw wa ittsinuk txw s"skul"s tu umatalhtutimkw' txw. Tsutsutakw'tuu s"sawas wa skul ts". Anutsnimtilh wa tsatsluksiilh, tl'aptutim ula skul ts, ala suncws ti antsnsanlh tc. 1987 s7anuqwyutsayc wa skulaw wa Nuxalkmc ts alh Nuxalk, paaxit its'ik ca s7Acwsalcta.

qwlculhtsutaw wa Nuxalkmc ts sik'musmnaw ta skstcwaynicim ta Acwsalctanaw txw. Tic Kent Apa'tsti Danielson ti alhqulhuust tc

Alh7aynaw s7acwsalctutim kw alh tu ayk' txw

Alh tu ayk' txw, acwsalctutim kw' wa mnmnts' ts c tu amatalaaxtaw txw, n c tu lhikw'lcaaxtanaw txw. xltutim wa imlmlkii ts ula ka imlkuks si7acwsalctutim ala ts'ktanaw ts, ka nunuts'kmcs, ka pismans, ka staltmcs. Alh7aytut kw' wa anats'ktulh ts wa tsatsluksii ts sitl'mstaliwanaw ts. Aytutim kw'tuu wa cncnaasii ts sq'awiktim - acwsalctutim c tu cnasaaxtanaw txw, wa sisksumaw ts, wa kikyanaw ts.

Smsmayuustim kw' wa csuuts wa tl'msta si7acwsalctimutaw ala smayustanaw tu tanapsulhs txw wa qw'las wa apsulhuks. Alh7aytutimkw' sqwlculhtsutaw slhlmaw ala ays7ays wa apsulh ts.

alh7aynaw s7acwsalctutim kw' alh ti suncwt

Anaykilh ska alh7aytuminilh tuu alh ti suncwt, s7acwsalctmacwilh, s7acwsaltutilh wa mnmnts'ilh ts, axkuks alh7ays, alh7ays ayawayctum wa suncwilh ats c tu q'umsciwa txw. yalhkayci sq'slctutim wa tl'msta, si7aytutit tl'aptutit wa mnmnts'inaw ts ula ka acwsalcta si7acwsalctutim c tu acwsalctnm.

Aylh tuts' slhlmlh alh Nuxalk, aylh tuuts'n ssmsmayamktilh c tu amatalaaxtilh txw ula tsaatsluksiilh ts, ssmsmayuustilh. Ayutsakw' tu stataltmc txw s7anaykaw ska tl'mstaliwanaw wa putl'lt ts. Wic its'ik si7ksnmaktmacwaw wa skul ts, wa acwsalcta ts, Lip'alhayc, n Nuslhiixwta sinuyayaalhtum wa mntanaw wa mnmnts'ilh ts.

Wa acwsalctalh ats

• Acwsalcta School
• Lip'alhayc
• Qiqipi Preschool
• Snxaalh Daycare
• Nuslhiixwta - Healthy Beginnings
• Nuxalk Acwsalcmalslayc Academy of Learning Society