Wp/blc/Wa suncws ti antsnsanlh tc

Wicanaw ats wa skultnm ts alh ti Residential-tum ti skul tc alh Fort Resolution, NWT

Wics wa suncws wa antsnsanlh wa suncw ts s7alhlq'iitilh wa qiqipilh ts, tl'aptutim ula residential-tum wa skul ts. Paaxim c ats wics sts'ktatum ilh Phyllis Jack Webstad stl'aptum ula skul ts - ulxanlhim ca tsixanlh wa sq'lhkws - wa sits'maalhs n ti tsixanlh ti antsnsanlh ti nups, napim c ilh stans ilh.

Ti kw'alhtnas wa suncws ti antsnsanlh tc, anulht'iiqwim alh ti layt alh tu apsulh alh Kanata

K'musmlh kw'its'ik alh ti suncwt alhSi7iswayslhh, alh ti aluux ti suncwt tc alh ti tl'uk' tc, ti 30tum tc. Axw luu ksnmaktuminilh alh ti suncw t'ayc, wics anaykilh ska smatmcmtmacwilh tuts'n. Wic its'ik sismsmayamktilh wa alh7ay wa qiqipi, smsmayamkilh s7alh7aytuminilh ssaawasilh alh tu ayk' txw, was s7alh7aytuminilh tuu alh ti suncwt.