Wp/bew/Buda
Buda (urup Arab Gundul: بود) entu asalnya deri negeri Hindi nyang ada juntrungannya ama ajaran nyang dibawain ama kanjeng Pangéran Sidarta Gotama atawa nyang ke marinya dikenalin Gotama Buda. Buda entu orang nyang dibilang ngikutin kebeneran atas kehirupan.
Dalem berapa abad kanjeng Pangéran Sidarta Gotama punya ajaran ngemparak deri Népal ke Asia Tenga, Tibèt, Sélong, Asia Kidul-wètan, Tiongkok, Mongoli, Koréa, Nipong, èn enni wayah di Éropa, Amrik Lor èn Kidul. Buda mashap Terawada entu nyang paling umum di Asia Kidul-wètan èn mashap Mahayana entu di belalor. Buda sekarang-sekarang ada dengen beragem perbédaan, cuman semua mashap èn pèrkah bagi-bagi idiil dasar. Orang nyang ngikut agama Buda ada 7% di enni dunia.
Orang-orang pada ngiat Buda entu agama, ada lagi nyang ngiatnya entu pilsapat, ada juga nyang ngiatnya entu jalan bakal nemuin kenyataan.