Wp/bew/Pangèran Sidarta Gotama

Sang Pangèran lagi semèdi di bawah pohon boddhi

Pangèran Sidarta Gotama (hurup Arab Gundul: فڠيران سيدارتا ݢوتام) atawa Sakyamuni atawa Sang Buda (hurup Arab Gundul: سڠ بوذا) ya'entu atu orang guru tukang semèdi atawa agawaman Asia Kidul nyang idup di separo rèbu taon awal sebelon Masèhi. Entu sang pangèran bawain agama Buda èn orang-orang Buda tunduk hormat lantaran sang pangèran entu mahluk nyang kepancer cahaya, nyang ngarak ke jalan Nirwana, bèbas deri ketabloan, hawa napsu, kebrojolan kombali, èn kesengsaraan.

Sang pangèran brojol di Lumbini (wayah gini disebut Népal) deri orang tua bangsawan deri wangsa Shakya, cuman Sang Pangèran pergi kuar deri kuarganya biar buat semèdi pengembara. Sang pangèran ngangon liwat tanah kali Gangga. Sang pangèran wapat di Kusinegara èn nyampé pada parinirvana. Sederi entu wayah, Sang Pangèran dihormatin banyak orang seantéro Asia.