Wp/bew/Bintang ider
Bintang ider (hurup Arab Gundul: بنتڠ ايدر; Indonésia: planet) entu benda besar kaya' Jorah atawa Bumi nyang ngiterin atu bintang. Bintang ider rada kecilan ketimbang bintang, èn bintang ider kaga' mentèr. Mustari ièlah bintang ider di Tata Kemataarian, sementara bintang ider nyang paling kecil di Tata Kemataarian entu Utarid.
Bintang ider bentuknya kaya' bola bejeg. Adapun benda nyang ngiterin bintang ider namanya pengarak atawa satelit. Bintang èn sisik-melik nyang ngiterin tu bintang namanya tata kebintangan.
Ada delapan bintang ider nyang ada di Tata Kemataarian. Pluto tau digero jadi bintang ider, mar bulan Agustus 2006, Serèkat Palak Antérobangsa nyabitin kalu Pluto entu masupnya bintang ider cilik.
Istilah planet entu asalnya deri basa Yunani πλανήτης planētēs 'ngider, ayeng-ayengan, selalag-seleleg, janggla'. Mangkanya, di basa Betawi diterjemahin jadi bintang ider. Ampé tahon 1990-an, orang cuman pada nyaho bintang ider nyang ada di Tata Kemataarian doang.