Wp/bew/Bumi

Tampang bumi di luar angkasa

Bumi (hurup Arab Gundul: بومى) entu planit nomor tiga dari Mataari. Dari 8 planit, Bumi – paling gedé kelima. Bumi entu planit paling gedé kalo dibandingin ama planit batu nyang laèn. Kadang-kadang, orang-orang nyebut Bumi entu "planit biru". Bumi kebuat sedari 4,54 miliar taon nyang lalu. Kehirupan baru muncul 3,5 miliar taon nyang lalu. Bumi punya lapisan litospèr dibagi-bagi jadi berapa lèmpèng Bumi. Enni lèmpèng begerak selama jutaan taon di antéro Bumi. 70% kawasan Bumi diisi sama aèr.

Bumi sesènggolan ama benda langit laèn kaya' mataari èn bulan paké tarikan Bumi. Lamanya Bumi beputer di sumbunya entu seari, èn lamanya Bumi muter ngelilingin mataari di dia punya palak entu 365,26 ari. Keadaan Bumi entu mèncong 23,4° nyang bikin Bumi bèda-bèda musim di tiap daèrahnya.

Bumi ada Bulan nyang nemenin muter ngelilingin mataari. Sesènggolan Bumi èn Bulan bikin Bumi jadi gablek pasang naèk-surut, bikin Bumi keja miring biar ajeg, èn bikin pelan Bumi punya puteran sumbu.

Bumi entu tempatnya mahluk hidup duduk èn hidup, salah satunya entu manusia. Sumber kehirupan mengrangsek.