Wp/bew/Bulan
Bulan (hurup Arab Gundul: بولن) atawa gamar atawa gomar[1] (hurup Arab Gundul: قمر) atawa rembulan (hurup Arab Gundul: رمبولن) entu Bumi punya atu-atunya satelit (timpalan) alamiah. Kita biasanya ngiat ni Bulan malem-malem atawa juga' rada latap-latap pas siang. Planit-planit laènnya ada punya bulan atawa satelit alamiahnya sendèwèk-sendèwèk.
Kita punya bulan gedénya cuman seprapat deri Bumi punya lèbar, Bahna ni jauh letaknya, kiatannya ni Bulan kecit, cuman setenga derajat doang lèbarnya. Adapun gaya sènggèt (gravitasi) di Bulan cuman seperenemnya deri Bumi punya gaya sènggèt doang. Artinya, barang punya berat di Bulan bakal jadi 1/6-nya doang deri berat nyang di Bumi. Bulan entu tanahnya pada bopak, batuan, ama banyak debunya. Saban tahon, ni Bulan ngejauin Bumi sekira-kiranya 3,8 cm lantaran akibat deri penglemesan pasang surut (tidal dissipation).
Ruju'an
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta.