Wp/bew/Mustari

Tampang Mustari di luar angkasa

Mustari atawa Mestari (hurup Arap gundul: مشترى, basa Indonésia: Jupiter atawa Yupiter) ya'entu planit kelima paling deket dari mataari abis Utarid, Jorah, Bumi, èn Marih. Ni planit juga jadi rajanya planit di Tata Kemataarian lantaran badannya paling goden kalo diukur dari gedé-kecilnya ama planit nyang laèn. Mustari entu planit gaban nyang kebentuk dari uap (gas). Beratnya kalo dibandingin ama mataari jadinya mah serèbu kalinya lebih kecit. Tapi kalo diukur dari semua berat planit di Tata Kemataarian, Mustari masih menang, lantaran Mustari itu beratnya dua separoh kalinya lebih berat dari semua planit nyang laèn kalo diamprokin. Enni planit berisi paling banyak hidrogèn ama hélium. Hélium jumlahnya 1/10, cuman dia entu serapat beratnya Mustari. Lantaran putaran sumbunya cepet sekali, ini planit bentuknya pepet.