Wp/bew/Amrik

Add links
From Wikimedia Incubator
< Wp‎ | bew
Wp > bew > Amrik
Peta benua Amrik

Amrik (hurup Arab Gundul: امريک) entu atu benua nyang nglingkup kabèhan Amrik Lor ama Kidul. Benua Amrik entu ada di Bumi punya Ponggahan Kulon èn digero "Dunia Anyar".

Benua Amrik punya luas kabèhan cuman 8%-nya deri Bumi punya luas permukaan èn 28,4% deri daratannya. Bentuk alamnya kebanyakannya entu Rèndèngan Gunung Amrik, atu rèndèngan gunung panjang nyang malang di lingir bekulon. Sisi wètan nyang lebi datar deri Amrik entu kebanyakannya daèrah kali, kaya' Amason, daèrah Kali Sint-Lorèn–Sètu Gedé, Misisipi, èn La Plata. Bahna Amrika ngampar 14.000 km (8.700 mi) deri lor ke kidul, dia punya iklim ama èkolohi macem-macem ragem, mulain deri iklim kutub di Kanada Lor, Grunlan, èn Alaska, ampé ke utan ujan tropis di Amrik Tenga ama Amrik Kidul.

Manusia pertama kali nyokol di Amrik deri Asia sekitaran antara 20.000 ampé 16.000 tahon nyang liwat. Hijrah kedua pengomong Na-Déné ngintilin abisnya deri Asia. Hijrah seterusnya deri kaum Inuit ke bilangan néoarktik sekitar tahun 3.500 SM kelar, èn ni dia nyang biasanya digero sebagé orang asli Amrik.

Negara èn wilayah tanggungan

Wilayah tanggungan atawa daèrah husus di bawah ni biasanya ada nama negara penanggung nyang dalem gupitan ( ).

  1. Amrik Lor èn Tenga (serènta Karaiben)
  2. Amrik Kidul

Ruju'an

Retrieved from "https://incubator.wikimedia.org/w/index.php?title=Wp/bew/Amrik&oldid=6051165"