Wp/arq/حجاج
حجاج هي بلدية فولاية ش[1]لف فدزاير جاية فشمال شلف تحت وارسنيس بين سنجاس و بن عبد لقادر عايشين بزراعة و رعي.
الموقع[edit | edit source]
بلدية لحجاج بعيدة علا مقر دايرة ب 10 كيلو متر و علا لعاصيمة تاع لويلاية ب 20 كيلومتر يحدها مشمال وشرق بلدية سنجاس و من لغرب بلدية ولاد بن عبد القادر و من لجنوب بلدية لاربعا بولاية تيسمسبلت . . . . . . . . .
لحالة[edit | edit source]
جات بلدية حجاج ملقسم لايداري جديد لعام 1984 من بلدية اولاد عبد القادر و بلدية سنجاس حيث دات هاد لبلاصة اسم لحجاج مقارنة بشبان لي راحو للبلايص لمقدسة كيما مكة لمكرمة يمشو علا رجليهم كي رجعو سماوها حجاج
الإغاثة والجيولوجيا والهيدروغرافيا[edit | edit source]
هاد لبلاصة اصلا تتكون ملاغاثة لجبلية
وسائل نقل[edit | edit source]
طرونسبور ماهوش كافي من والا لبلدية ولبلايص ليدايرة بيها كاين غير زوج نقولا باسكو هيا بلاصة ريفية و ناسها يمشو بطوموبيلاتهم
المحليات والأحياء والقرى[edit | edit source]
كثرة لبلديات ر يفية نقدرو نصيبوها كيما هيا مقتابسة ملحظر صونطر جاردا ولقرا صغيرة كيما براهمية حمشا
تخطيط المدن[edit | edit source]
يتربط محور هيكلة وحدة التكتل لبلاصتو رئيسية و هاد تكتل شاف تطور كبير علا طول المحور . وحق طريق التكتل علا لحافة يقلل من امكانية تمدده المستمنر هادد تكتل ريفي بصح فيه بعض المرافق كيما ليكول تاع لبريمار و ملحق و بوسطا و دار شباب و جاردا بيبليك و مكتبة و جامع و و ديسبونسار .
العمران[edit | edit source]
بلدية لحجاج هي من لبلايص لي ستفادو من سكاني ريفي و لاجتماعي بحيث ستفادة ب 2070 سنة تاع سينيستري و 12 سكن اجتماعي .
الفلاحة[edit | edit source]
بلدية لحجاج هي بلاصة فلاحية و ريفية مليحة بحيث شوية من سكان تاعها يخدمو بزاف لفلاحة يفلحو القمح و شعير و تاني يغرسو لخظرا و لفاكية باش يستفيدو منها في حياتهم ليومية .
التربية و التعليم[edit | edit source]
كاين في بلدية لحجاج 13 مدرسة ابتدائية فيها 880 تلميد يعلمهم 61 شيخ و كاين تان سيام واحد فيها 651 تلميد كيما دارولهم 7 كيران تديهم و جيبهم مديارهم لسيام . . . . .
الصحة[edit | edit source]
كاين في بلدية لحجاج 6 تاع ليديسبونسار وحدة في لحجاج و وحدة فبقعة سوفرة و وحدة فبقعة شرشارة و حدة فلعبايب و وحدة ف لمالحة . . .
الشباب و الرياضة[edit | edit source]
في بلدية لحجاج كاين ملعب تاع لبالو و كمس ملاعب جوارية من نوع ماتيكو و مركب رياضي يحلوه فلمسبقبل
.
أسماء المواقع الجغرافية[edit | edit source]
تاريخ[edit | edit source]
بكري كانت بلدية لحجاج مسميينها سيدي موسى علا لوالي صالح سيدي موسى و كانت مقسومة علا زوج عروش لول عرش بني وعزان و زاوج عرش قربوصة و كان شوية منها تابع لبلدية لسنجاس وشوية لاخور تابع لبلجية ولاد عبد القادر سماوها بلدية لحجاج باسكو سكانها كانو يروحو بكري لمكة يمشو علا رجليهم سماوهم لحجاج . جات هاد لبلدية متقسيم لايداري جديد 1984 ...
الديموغرافيا[edit | edit source]
الحساب التقريبي لبلدية الحجاج راه قريب من 9728 نسمة و بزاف من اهلها يخدمو فلفلاحة التقليدية باسكو الاراضي تاعها كامل جبلية . لمساحة تاع بلدية لحجاج 85 كيلو متر مربع هيا بلاصة كبيرة شوية اما عدد سكانها 11 الف نسمة علا حساب لاحصائيات تاع 2016 لي دارتها لولاية .
مناخ[edit | edit source]
لجو تاع لبلدية في مشتا و رطب بارد بزاف و في صيف سخوون و جاف .
الإدارة والسياسة[edit | edit source]
بلدية الحجاج يحكمها مجلس الشعب الشعبي و هاد البلدية تبع دايرة اولاد عبد القادر و ولاية الشلف .
لاقتصاد[edit | edit source]
يتقسم الاقتصاد تاع بلدية تاع الحجاج بين الفلاحة و التجارة و الثروة تاع الحياوانات . يواجهو شبان لبلدية بروبلام تاع شوماج باسكو منكان حتا نشاط اقتصادي ولا تجاري غير خدمة لفلاحة لبسيطة ولي ما ولاتش تقدر تكفي اعايلات و بساطة الإمكانيات لمادية وقلة لدعم فيها، حيث يتمركز نص شباب البلدية فل خدمة لاجتماعية كاين 110 شاب مستفيد من هذا البرنامج ثاني كاين 98 شاب مستفيد من لخدمة تاع لادماج للي عندهم ل.ي ديبلوم منهم 23 جاميعي .
الحياة اليومية[edit | edit source]
بلدية الحجاج تتكل بحد كبير علا الخدمة تاع الفلاحة باسكو هيا بلاصة جاية علا برا و تاني صحاب هاد البلاصة يربو المعيز البقر و الجاج و نص تاع اهلها يتاجرو .
دين[edit | edit source]
بلدية الحجاج فيها علا معهد مهم بزاف باش يتعلمو فيه القران الكريم في الزاوية يسموه اولاد صالح فيها بزاف من الطلاب في هاد المعهد فيه مطعم للطلاب و فيه تاني مركبة للخدمة و فيه كار باش يديهم و يجيبهم .
الهيدروليكية[edit | edit source]
كيما نعرفو بلي بلدية الحجاج فقيرة بزاف للما بصح اقليم الحجاج فيه ستاسيو كبيرة لمعلجة الما و هو سد لي مسميينو سد سيدي يعقوب لي تزودو ولاية الشلف
.
لتعميق[edit | edit source]
مقالات ذات صلة[edit | edit source]
16 مشروع داروه باه يطور بلدية الحجاج لي جاية في لولاية تاع شلف بلدية لحجاج فيها 9000 نسمة متكونا من ثلاث بلايص المزاينية و البيارارا و العويس جايا جنوب ولاية الشلف ستافادت هاد البلاصة لي هجروها من وقت طويل من ماريع مهمة لي تقلل من ليبروبلام لي يعانو منها سكانها باش يخرجو مالتخلف كيما كاين بزاف احتجاجات و سخط لي داروه من وقت لوحداخور داروه علا جال باش يطالبو لولادهم النقل لي يروحو بيه ليكول لي جاي في بلدية اولاد عبد القادر و كيما حبو يبنولهم ليسي فلحجاج و يديرولهم طريطوار في طريق و طالبو تاني ب باطيمات و يديرولهم ةفاجات في ليكولات و سبيطار لهادا دارت سلطات بلو صغير تاع مارشال باه يديرولهم واش طالبو وفرولهم لما باش يشربو من سد سيدي يعقوب لي هوا تيو تاع لما تاع شراب لي فيه زوج كيلومتر حساب هاد المروع جا مليار و دارو تاني ليسي قسمو هاد المشروع ل 6 قطع لولا فيها لبنيان و كتلة اتعليم وسكن تحت الطلب و لاقامة مع الماكلة و الزاوجا يديرو فيها صالا تاع سبور و ثالثا دارو فيها التسخين و الغاز و يديرو الضو خلال ثلث شهور و وفرولهم تاني السكن الاجتمتعي و بنسبة لصحاب سبور دارولهم ملعب كيما طلقو غافو بسبة خدمتو تاع لفلاحة باسكو كان عندهم بروبلام كبير باش يسقو لارض تاع لفلاحة تاعهم و المشروع تالي هو تحقيق جسر فوق واد لاغ . ..
وصلات خارجية[edit | edit source]
ميزانية الولاية[edit | edit source]
وضعية الاستثمار تاع لفلاحة بحيث وافقولهم علا ملف مستثمر فلاحي فمنطقة فلغس . لوضعية تاع لاستثمار صناعي ماكان حتا ميزانية . لوضعية تاع لاستثمار سيحي تاني ماكان حتا استثمار . حساب الخدمة الخدمة فبلدية الحجاج قليلة بزاف . نسبة السكنة نسبة تاع سكنا تقدر حوالي 85% تريسيتي تبلغ نسبة بتريسيتي حوالي 95 % . الـما: تبلغ نسبة التزويد بالماء الصالح للشرب حوالي 95 % .