Wp/arn/Nawel

From Wikimedia Incubator
< Wp‎ | arn
Wp > arn > Nawel
Nawel anvlelu wente kura
Kelv mew, kuyfi mvlelu; karv mew mvlekay petu

Nawel (panthera onca) pigeci kujiñ ta kiñe fvxa ñarkikeci kujiñ mogekelu wiji ka ragi Awiayala mew. Tici mapu mew fey ta zoy fvxa ñarkikeci kujiñ mvlelu. Monkv mapu mew ci Panthera tigris ka fey ci Panthera leo zoy fvxarkeygu mvten may. Panthera pardus rekeley ñi xopaxopagen may, welu ñi azmogekeel tigre (Panthera tigris) keciley may.

Mogerkey mawvhgeci mawizantu mew, lelfvn rume mvlekerkey, welu mvcayke pegekelay wigkul mapu mew, cew zoy mvlekey ti pagi.

Ñi az[edit | edit source]

Fey 80 sentimexo fentepvrakey ñi falke, 57 wej 113 kilo, 150 kilo rume fanekerkey. Pepi weyelkey ka pvrakey aliwen mew, ayvy ñi mvleken pvje ko mew. Faney ñi logko, fey rume newengey ñi xagaxaga, pepi katafi ñi nvel ñi logko, waxolkey ñi legleg. Fvxakey ñi nvel, puzu, kvxekvxe rume, welu cem kujiñ rume pepi nvkerkeeyew, zewv, vñvm, cel kujiñ rume, gvñingele. Kisulekerkey ñi nvfiel mew feyci kujiñ. Joftukey ñi nvael, fey mew kaxvrvpvkeeyew.

Ñi tunten[edit | edit source]

Kuyfi mew mvlekefuy zoy mapu mew, welu pu ce fenxen bagvmvrkefi, fey mew fewla pvcin mapu mvlewey, fvxa lemuntu mew pegekerkey mvten.