Wp/arn/Gvrv
(Licalopex griseus/Licalopex gymnocercus)
[edit | edit source]Kiñe pici xewarekeci kujiñ, xewa erke wagkvkey, ñi mogepeyvm ta fijke pici kujiñ, pici zewv, mara, vñvm, ba kujiñ ikey, gvñvnlekelu isike ka fvh ikey petu, weñemuwkey acawaj kafey. Afgvnengey; nvgekelu fey bawfaluwkey, xanakvnuwi ba erke. Piam mvley epu kagelu gvrv, Wiji Mapu gvrv ka Wayzvf Mapu gvrv. Mvlerkey ka cijwe gvrv ka azgey.
Wiji Mapu Gvrv (Pseudalopex griseus)
[edit | edit source]2,5 wej 4,5 kilo ñi fanen, kazvgey ñi kab, pici cozkeci kab nierkey logko mew ka hamuh mew, kexe ka kvlen nierkey kurv kab. Pvxa ta liqkeci. Fvxa pilun, rume kab niey ñi kvlen. Mogekey Wiji Mapu mew.
Wayzvf Mapu Gvrv (Pseudalopex gymnocercus)
[edit | edit source]Fey ta Kelv Gvrv erke, welu zoy pici. Fey ñi kab ta kazv furi mew ka hamuh mew. Logko ka peb ta kelvkeci. 4 wej 5,5 kilo ñi fanen.
Vyeltukan
[edit | edit source]Wiji Awiayala mew pu gvrv kvme gvnezuamtugelay, fey mew fewla Wiji Mapu gvrv (P. griseus) ka Wayzvf Mapu gvrv (P. gymnocercus) ta kisu kiñewiegu pigekey, fey mew kisu kiñe gvrv mvlerkey "Licalopex gymnocercus" pigerkelu. Welu fenxen cijka mew kageci gvrv egu ta tvfey pigeyegu.