Wp/ann/Somalia

From Wikimedia Incubator
< Wp‎ | annWp > ann > Somalia
Jump to navigation Jump to search

Somalia (òrere Soomaliya me usem Somali, mè ire Federal Republic of Somalia me uketchieen̄) ìre ido me Otu-utọn̄ Afirika. Ido ìkukup ikana ọmọ ìre Etiopia me agan̄ ichep-ura, Irem Aden me agan̄ inyọn̄, Okolo Gwadafuyi mè Okwaan̄ Somali me agan̄ mbum-ura, sà Kenya okup me ntut osiki mè mbum-ura. Ama ibot kan̄ ìre Mogadishu. Somalia okaan̄ otu-okpoon̄ òjọjọn̄ọ ijọn̄ ichit [longest shore line] me otutuuk ido ìkup me uga lek ijọn̄ Afirika [mainland Africa]. Lek ijọn̄ ido ya ìre ola-ijọn̄ mè ijọn̄ ogọọn̄ ogọọn̄. Me ido ya, ibot ìkakimalek ìrep; ere ìkiyoyok otuuk kè acha; efet mọnsuun okekiwut me ibot mgbọ.

Egop Somalia
Ina ido Somalia
Okwa-ido: "Qoloba Calankeed" (okwa òkup inyi egop)
Ogugo-ijọn̄ Somalia

Otu-ifuk ene ìluk me Somalia ìre efie akọp mè go. Ọmọ si ore ido eyi ebi ìnan̄a me otoko ge mè ikaan̄ orọmijọn̄ ge ewabe me emen ichit [most culturally homogenous]. Me lek ebi ìluk me ido ya, inu òjot irek jeeta mè go me lek efit (85%) ere ebi otoko Somali ìkiluk me agan̄ inyọn̄ me ido ya akarake oka mgbọ.

Ebi asabọn otoko ìkup me ido ya ekup me agan̄ osiki. Usem-mkpulu Somalia ìre Somali mè Arabik. Owuwa ene me ido ya ere ebi Musilim; owuwa ene me lek kiban̄ ere ebi otu ogbo Suni.

Me ukot ikaan̄, Somalia ìre ama òsisibi isi me inyam-ewe.[1][2] Ọmọ ore ere owuwa ene echieekbe ibe ke Ama Punt ukot ikaan̄ okup. Mgbọ keyi, ọmọ osibi isi ichit me inyanyam furankinsensi mè mâa.[3]

Me utut òta senturi akọp mè onaan̄ge, esese ido me Yurop mînikpulu Somalia. Adasi ìre JemeniBìritènItali enigọọk[4] mgbọ ebi Jemeni ejuukbe itele iyayaka ikpulu ido ya me 1890. Ebi Bìritèn enenichili Somalilan agan̄ Bìriten, Itali echichili Somalilan agan̄ Itali, sà Muwamed Abidula Asan okekikpulu agan̄ etete. Sa me Dawish, ebi akọn̄ kan̄, ọmọ îkeke ida ebi akọn̄ Bìritèen mgbọ mgbọ ini, mè ililaba ema ifo agba okwaan̄ sabum ebi Bìritèn enitim ikpan̄ ema me 1920.[5] Itali onikikpulu agan̄ ntut inyọn̄ mè mbum-ura, agan̄ etete mè agan̄ osiki mgbọ ema etimbe ikpan̄ Mkpulu Sọlitan eyi Majeerteen mè Mkpulu Sọlitan eyi Obyo. Me acha 1960, agan̄ iba cha mînigbaan̄ iriaak mè ibọkọ utelelek kire ido ge me irak me irak mkpulu ebi ikike.

Ido yi îmup me UN, Ntitiin̄ Arabu, Ntitiin̄ Afirika, Non-Aligned Movement mè OIC.



References[edit source]

  1. John Kenrick 1855) Phoenicia, B. Fellowes, p. 199.
  2. Casson, Lionel (1984). Ancient Trade and Society. Mich. p. 235. ISBN 0-8143-1740-5.
  3. "Expanding Investment Finance in Northern Kenya and Other Arid Lands" (PDF).
  4. "Deutsche Kolonialzeitung, Volume 10" p. 12
  5. Kevin Shillington (2005) Encyclopedia of African history, CRC Press, p. 1406, ISBN 1-57958-245-1.