Wp/ann/Yurop

From Wikimedia Incubator
< Wp‎ | annWp > ann > Yurop

Yurop ìre ge me lek ikpele lek ijọn̄ jaaba èkukup me linyọn̄. Ìkup me ìkike-iba linyọn̄ agan̄ inyọn̄ mè agan̄ mbum-ura. Me Yurop agan̄ inyọn̄, Emen-awaji Atik okup; Emen-awaji Atilantik onenikup me agan̄ ichep-ura kan̄; Esia okup me agan̄ ichep-ura kan̄; sà Okwaan̄-ile Mediterenia okup me agan̄ osiki kan̄.

Ikpele lek ijọn̄ Yurop

Okike ijọn̄ îbenbe ìre 10 180 000 kilo ikat ikana; eyi òrere irek gweregwen mè okpọkọ jeeta me efit (6.8%) me lek otutuuk ijọn̄ linyọn̄. Ọmọ ore òso gweregwen me ìkeke. Otu ifûk ebi ìluluk me emen ìre 741 477 158 ene; òrere akọp mè irek ge me efit (11%) me lek otutuuk ene me linyọn̄. Ọmọ ore òso ita ebiene ewabe ichit me emen. Ìkaan̄ akọp ido go eriọọn̄be; ido gweregwen kechilọ, owuwa ene kpechieek ibe ke ere ido.

Usem ekimalek itumu me emen ire echi Rọsia, Jemeni, Furench, Italì, Sipen, Polan, Yukeren, Romania mè Dọch. Ama ìmîmiin̄ ichit me emen kan̄ ìre Isitanbuulu, Mosikowu, Parisi, Lọndọn, Madirid, Baselona, Senti Pitasibọgu, Rom, Beliin mè Milaan.

Erieen̄ kan̄ yi, Yurop, ìnan̄a me lek erieen̄ gwun̄ enenwaan̄ ge ekigwen Yuropa òkôrere gwun̄ ogwu ubọọn̄ Fonisia me urọk ebi Giris. Yuropa ìsibi "ikpọkpọ inu me ujọn̄ọ ere", mè iyaka ire "inu ikâkaan̄ owuwa inu me emen." Yurop inan̄a me lek erieen̄ ya.


References[edit source]