Wp/ann/Esia

From Wikimedia Incubator
< Wp‎ | annWp > ann > Esia

Esia ìre ge me lek ebi kè ikpele lek ijọn̄ jaaba èkukup me liyọn̄. Ọmọ omin ichit me lek ijọn̄ cha, ọmọ ke ebiene eyaka iwa me emen ichit. Ìkup me ìkike-iba liyọn̄ agan̄ inyọn̄. Ìkup igbet lek Yurop mè Afirika. Okike ijọn̄ Esia obenbe ìre 44 479 000 kilo ikat ikana; èyi òrere akọp irek ita me efit irek (30%) me ijọn̄ linyọn̄. Ego ene ini mè okpọkọ (4.5 ego) eluk me emen; èyi òsisibi ke ire efele otutuuk ebiene me linyọn̄ itap me efit irek, akọp irek gweregwen me lek efit irek ya (60%) eluk me Esia.

Ikpele lek ijọn̄ Esia

Esese inu eche Esia isan̄a me lek ikpele lek ijọn̄ kechilọ. Me agan̄ mbum-ura, îre Emen-awaji Pasifik; me agan̄ Òsiki, îre Emen-awaji èyi India; me agan̄ Inyọn̄, îre Emen-awaji Atik; òkolo-ile eyi ido Tọkì ofele Esia isan̄a me lek Yurop; sà òkolo Sùwes mè Okwaan̄ Anyiaan̄ efele ọmọ isan̄a me lek Afirika.

Okolo-ile me ido Tọkì òcheche Esia isan̄a me lek Yurop. Okwaan̄ Ofifit ire eyi okup me inyọn̄ sà Okwaan̄ Marimara okup me irak. Okolo-ile ya olibi itibi mè ifele Yurop ito me agan̄ ujit sà Esia onikup me agan̄ ulom me lek ogugo ijọn̄ yi.

Akọp ido ini mè jeeta okup me emen Esia


References[edit source]