Jump to content

Wp/ann/Afirika

From Wikimedia Incubator
< Wp‎ | ann
Wp > ann > Afirika

Afirika ìre ge me lek ebi kè kọntinenti (ikpele lek ijọn̄) ìkup me liyọn̄.

Afirika me lek linyọn̄

Okike Ijọn̄

Afirika ore òso iba òmimin ichit me lek kọntinenti cha. Emen-awaji eyi òlilibi iraka me agba lek Afìrikà ìre eyi ekigwen Atilantik. Akọp ido go mè iba ekup me emen Afirika.

Ebi Ene

Eriọọn̄ Afirika kire ama ebi ofifit mije me owuwa ido ìkup me Afirika, ebi ìluluk me emen kiban̄ ere ofifit. Usini mgbọ, igọọk me ike ọmọ okekebe me isi linyọn̄ agan̄ ura okimalek ira itoon̄, ura ya îra ikirọ inyi akaplek ebi ìkiluk me emen kan̄ inikikana ofifit.

Ubọk Ere Okupbe

Afirika si ìre ere òkiyoyok baalek unye ura. Me agan̄ inyọn̄, Èwê Sayara me Ijipti (ọmọ ochat ichit). Me agan̄ Òsiki mîkaan̄ Ogoon̄ Kilimanijairo me Kamerun (ọmọ obene ichit).

Usem

Afirika îkaan̄ owuwa usem. Ido geelek mîkaan̄ usem kiban̄. Ama geelek me emen ido cha eyayaka inikaan̄ usem kiban̄ si. Usem òsisibi isi ichit me lek ijọn̄ yi ìre Suwayili

Ikwaan̄

Ebi Afirika mîkaan̄ esese ukot ọkọ. Usini ene ekiwop uko, usini ekisi ọkọ mun̄. Usini ekinyam ewe.

Isi-ikpa

Ebi ene kpemalek isi ikpa me Afirika kire ichi ebi ikpele lek ijọn̄ kechilọ esibe. Owuwa nsabọn kpesi uwu-ikpa si.

Erumfaka

Ebi ene me Afirika ekisa me esese oniin̄ ikitọbọ ebum inyi esese inu.

Orọmijọn̄

Otutuuk ido mè otoko me Afirika mîkaan̄ orọmijọn kiban̄.



Nrọnnye[edit source]