Wn/shn/ၽွင်းလူင်ၵၢၼ်ၵႅတ်ႇၵင်ႈၵူၼ်းမိူင်းၶႄႇ လႄႈ ၽွင်းလူင်ၵၢၼ်ၼႂ်းမိူင်း မိူင်းမၢၼ်ႈ ထူပ်းၵၼ်

ဝၼ်းသုၵ်း၊ ဢေႇပရႄႇ 26၊ 2024 

ၽွင်းလူင် ၵၢၼ်ၵႅတ်ႇၵင်ႈၵူၼ်းမိူင်းၶႄႇ ဝင်းသျႅဝ်ႁူင်

ႁွင်ႈၵၢၼ်ၶၢဝ်ႇလူင်ပွင်ၸိုင်ႈၶႄႇ သိၼ်ႇႁႂႃႇ လၢတ်ႈဝႃႈ မိူဝ်ႈဝၼ်းၽတ်းၼၼ်ႉ ၸုမ်း ဢၼ် ၽွင်းလူင်ၵၢၼ်ၼႂ်းမိူင်း ၶွင်ႇသီႇသိုၵ်းမၢၼ်ႈ ၸဝ်ႈသိုၵ်းလူင်ယႃႇပျေႉ ဢွၼ်ႁူဝ်ၼၼ်ႉ လႆႈႁူပ်ႉထူပ်းၵၼ်တင်း ၽွင်းလူင် ၵၢၼ်ၵႅတ်ႇၵင်ႈ ၵူၼ်းမိူင်းၶႄႇ ဢၼ်ပဵၼ် ၽူႈၶဝ်ႈၶွင်ႇသီႇၸိုင်ႈမိူင်း ဝင်းသျႅဝ်ႁူင် (Wang Xiaohong) တီႈ ဝဵင်းပေႇၸိင်း ဝႃႈၼႆယဝ်ႉ။

ၼႂ်းၶၢဝ်ႇၼၼ်ႉလၢတ်ႈဝႆႉဝႃႈ ဝင်းသျႅဝ်ႁူင် ဢၼ်ပဵၼ် ၽူႈယႂ်ႇ တပ်ႉပလိၵ်ႈၶႄႇၵေႃႈၸႂ်ၼၼ်ႉ လၢတ်ႈဝႃႈ ပၢင်ႁူပ်ႉထူပ်းဢၼ်ၼႆႉ မၼ်းပဵၼ် လိၵ်းႁိၼ် လွင်ႈဢွင်ႇမၢၼ် ဢၼ်လႆႈမႃးတီႈ ဢၼ်မိူင်းမၢၼ်ႈ-မိူင်းၶႄႇ ႁူမ်ႈၵၼ်သေ တိုၵ်းတေႃး လွင်ႈႁဵတ်းၵၢၼ်ၽိတ်းၾိင်ႈ ဢၼ်ပဵၼ် ၵိူင်းလႅၼ်ငိုၼ်းဢွၼ်ႇလၢႆးၼၼ်ႉ ဝႃႈၼႆယဝ်ႉ။ လိူဝ်သေၼၼ်ႉဢမ်ႇၵႃး ၼင်ႇႁိုဝ် လွင်ႈသိူၵ်ႈသမ်ႇၵပ်းသိုပ်ႇ ၶႄႇ-မၢၼ်ႈ ပေႃးတေ ၶိုၼ်ႈယႂ်ႇမႃးၼၼ်ႉၵေႃႈ တိုၼ်းသွၼ်ႇဝူၼ်ႉႁၼ်ထိုင်သေ ႁဵတ်းသၢင်ႈယူႇ ဝႃႈၼႆယဝ်ႉ။

ဝင်းသျႅဝ်ႁူင် လၢတ်ႈဝႃႈ တွၼ်ႈတႃႇ မိူင်းသွင်မိူင်းလႄႈသင်၊ တွၼ်ႈတႃႇၼႂ်းပိုၼ်ႉတီႈ ပေႃးတေ ၶိုၼ်ႈယႂ်ႇမႂ်ႇသုင်၊ မီးလွင်ႈၼိမ်မၼ်ႈ၊ မီးလွင်ႈႁူမ်ႇလီသေ၊ တီႈၵၢၼ်တိုၵ်းတေႃး ၸိူဝ်းပဵၼ် လွင်ႈၶၢမ်ႈလႅၼ်လိၼ်သေ ၵေႃႇၵၢၼ်ၽိတ်းၾိင်ႈ၊ လွင်ႈယႃႈမဝ်းၵမ်၊ လွင်ႈတေႃႇလွင်းၸိူဝ်းၼႆႉ ၵေႃႈ ၵဵဝ်ႇၵပ်းလူၺ်ႈ ၽႅၼ်ၵၢၼ် လွင်ႈႁူမ်ႈသၢင်ႈပၢႆးႁူမ်ႇလူမ်ႈ၊ လွင်ႈပၵ်းပိူင်ႁူမ်ႇငမ်းလီ၊ လႄႈ လွင်ႈႁူမ်ႈသၢင်ႈ ၵဵဝ်ႇၵပ်းပၢႆးႁူမ်ႇလူမ်ၸိူဝ်းၼႆႉ ၼင်ႇႁိုဝ်မၼ်းတေ မီးလွင်ႈလိုၵ်ႉလမ်ႇၼၼ် လူင်ပွင်ၸိုင်ႈၶႄႇၼႆႉ ပဵၼ်ဢၼ်တူဝ်ႈတၼ်း တႃႇသၢၼ်မိုဝ်းၵၼ်တင်း မျၢၼ်ႇမႃႇသေ ႁဵတ်းသၢင်ႈၵႂႃႇယူႇ ဝႃႈၼႆယဝ်ႉ။

ၸဝ်ႈသိုၵ်းလူင် ယႃႇပျေႇဝႃႈတႄႉ လွင်ႈမိူင်းသွင်မိူင်း ႁူမ်ႈၵၼ်သၢင်ႈ လွင်ႈႁူမ်ႇလူမ်ႈ လႄႈ လွင်ႈပၵ်းပိူင်ႁူမ်ႇငမ်းၼၼ်ႉ ၼင်ႇႁိုဝ် မၼ်းတေတိူဝ်းမီး ၽွၼ်းလီမႃးလိူဝ်ၼၼ်ႉ ၽၢႆႇမိူင်းမၢၼ်ႈၵေႃႈ မီးၵၢင်ၸႂ် ၶႂ်ႈႁဵတ်းသၢင်ႈၵႂႃႇ ဝႃႈၼႆယဝ်ႉ။

ငိူၼ်ႈငဝ်ႈတိုၼ်း

• Huaxia. "China's police chief meets Myanmar's union minister for home affairs" — Xinhua, April 25, 2024
• The Irrawaddy. "China Seeks to Deepen Collaboration With Myanmar Junta on Border Crime Crackdown" — The Irrawaddy, April 26, 2024
• VOA News. "တရုတ်ပြည်သူ့လုံခြုံရေးဝန်ကြီး စစ်ကောင်စီပြည်ထဲရေးဝန်ကြီးနဲ့ ပီကင်းမှာတွေ့ဆုံ" — VOA News, April 26, 2024