Wn/shn/ၵူၼ်းမိူင်းၵျႃႇပၢၼ်ႇၵေႃႉၼိုင်ႈ ၺႃးၶႄႇတီႉၺွပ်း ယွၼ်ႉလိူင်ႈၵၢၼ်ၸွပ်ႇၶၢဝ်ႇ
ဝၼ်းသုၵ်း၊ ဢေႃးၵၢတ်ႉ 23၊ 2024
လူင်ပွင်ၸိုင်ႈမိူင်းၶႄႇ ဢဝ်လိူင်ႈ ၵူၼ်းမိူင်းၵျႃႇပၢၼ်ႇ ၵေႃႉ႞ လူၺ်ႈၵၢၼ်ၸွပ်ႇၶၢဝ်ႇ၊ ၽူႈမီးသုၼ်ႇလၢတ်ႈ ထၢၼ်ၽွင်းလူင် ၵၢၼ်ၼွၵ်ႈမိူင်း မိူင်းၶႄႇ မၢဝ်ႇၼိင်း လၢတ်ႈမိူဝ်ႈဝႃးဝႃႈ ၽူႈၸၢႆး ဢႃယု မွၵ်ႈ 50 ၵေႃႉ ႁဵတ်းၵၢၼ်တီႈ ၶွမ်ႇပၼီႇယႃႈယႃ မိူင်းၵျႃႇပၢၼ်ႇ Astellas Pharma ၼၼ်ႉ လႆႈၵူတ်ႇထတ်း ဢဝ်လိူင်ႈၽိတ်းမၢႆမီႈ ၸွမ်းၼင်ႇ ပၵ်းပိူင်မိူင်းၶႄႇမီးၼၼ်ႉ ဝႃႈၼႆ။
ၶွမ်ႇပၼီႇယႃႈယႃ ၵျႃႇပၢၼ်ႇၵေႃႈ လၢတ်ႈဝႃႈ ၸဝ်ႈၼႃႈတီႈၶႄႇ ဢဝ်လိူင်ႈ ၵူၼ်းႁဵတ်းၵၢၼ် ၵျႃႇပၢၼ်ႇၵေႃႉ႞ ဢၼ်ထုၵ်ႇၵုမ်းၶင်ဝႆႉ ၸဵမ်မိူဝ်ႈလိူၼ်မၢတ်ႉၶျ် 2023 ၼၼ်ႉ လူၺ်ႈၵၢၼ်ၸွပ်ႇၶၢဝ်ႇ ၼႆယဝ်ႉ။
ထၢၼ်ၽွင်းၼွၵ်ႈမိူင်း မိူင်းၵျႃႇပၢၼ်ႇ လၢတ်ႈဝႆႉ မိူဝ်ႈၵၢင်လိူၼ်ဢေႃးၵၢတ်ႉၼၼ်ႉဝႃႈ လူင်ပွင်ၸိုင်ႈၶႄႇ ဢဝ်လိူင်ႈ ၵူၼ်းၸၢႆး ဢႃႇယု 50 ပၢႆ ဢၼ်ထုၵ်ႇတီႉၺွပ်း တီႈဝဵင်းပိူၺ်ႇၵျိင်း ၸဵမ်မိူဝ်ႈပီၵၢႆၼၼ်ႉသေတႃႉ ဢမ်ႇလၢတ်ႈပႃးဝႃႈ ပဵၼ်ၽႂ်ၼႆယဝ်ႉ။
လွင်ႈထဵင်ထွင် ၼႂ်းၵႄႈမိူင်းၶႄႇလႄႈ ၵျႃႇပၢၼ်ႇ ၵဵဝ်ႇၵပ်းလူၺ်ႈ လွင်ႈၸဝ်ႈၶွင်လႅၼ်လိၼ်ၼမ်ႉ၊ လွင်ႈဢၼ် တီႉၺွပ်း ဢဝ်လိူင်ႈ ၵူၼ်းမိူင်းၵျႃႇပၢၼ်ႇ ၵေႃႉ႞ၼၼ်ႉ ႁဵတ်းႁႂ်ႈ လွင်ႈၶဵင်ႈၶႅင် ႁၢဝ်ႈႁႅင်းမႃး ၼႂ်းၵႄႈ လွင်ႈၶဵင်ႈၶႅင် ၵဵဝ်ႇၵပ်း လွင်ႈဢၼ် ၼမ်ႉဢၼ်မူတ်းသႂ် ဢၼ်လုၵ်ႉတီႈ ႁူင်းၸၢၵ်ႈ ၼိဝ်ႇၵလီးယႃး ၾူႇၵူႇသျိမ်ႇ ပွႆႇဢွၵ်ႇ ၼႂ်းပၢင်ႇလၢႆႇၼၼ်ႉယဝ်ႉ။
ၽူႈမီးပုၼ်ႈၽွၼ်း ၵျႃႇပၢၼ်ႇၶဝ် ၵမ်ႈၽွင်ႈတႄႉ လၢတ်ႈဝႃႈ ဝၢႆးသေ တီႉၺွပ်းလႆႈ ၵူၼ်းႁဵတ်းၵၢၼ် တီႈႁူင်းၵၢၼ် ဢႅတ်ႉသတႄႇလႃႇ ၽႃႇမႃႇၼၼ်ႉယဝ်ႉ မီးလွင်ႈတုမ်ႉတိူဝ်ႉ ၼိူဝ် ၵၢၼ်ပၢႆးမၢၵ်ႈမီး ၵျႃႇပၢၼ်ႇၶဝ် ၼႆယဝ်ႉ။
ငိူၼ်ႈငဝ်ႈၶၢဝ်ႇ
- Reuters. "Japanese citizen indicted on suspicion of espionage, China confirms" — Reuters, August 22, 2024
- Kyodo News. "China indicts Japanese businessman detained over spying" — KYODO NEWS, August 21, 2024
- The Straits Times. "China indicts Japanese man detained on espionage charges" — The Straits Times, August 22, 2024
- Reuters. "China confirms charges laid against Japanese citizen accused of spying" — South China Morning Post, August 22, 2024
