Wn/shn/ၽူတၢင်ၼႃႈၵဝ်ႇ ထရၢမ်ႉ ထုၵ်ႇၺႃးတၢမ်ႇ တေႃႇလႃႇ 148 လၢၼ်ႉပၢႆ

ဝၼ်းဢႃးတိတ်ႉ၊ တီႇသႅမ်ႇပႃႇ 17၊ 2023

ယွၼ်ႉပိူဝ်ႈ ၽူႈတၢင်ၼႃႈၵဝ်ႇ Donald Trump ဢၼ်ပဵၼ် Rudy Guiliani လႆႈမၢပ်ႇၼႄးဝႃႈ မီးလွင်ႈႁဵတ်းသၢင်ႈၽိတ်းၽိင်ႈ တႃႇႁႂ်ႈ ၵျူဝ်းပၢႆႇတႅၼ်ႇ လႆႈဢွင်ႇမၢၼ် တီႈ ပၢင်လိူၵ်ႈတင်ႈ ပီ 2020 ၼႆလႄႈ ၽၢႆႇတုမ်းတတ်းသိၼ် လႆႈတမ်းၶေႃႈပူင် တႃႇႁႂ်ႈသေငိုၼ်း တေႃႇလႃႇ 148 လၢၼ်ႉ ပၼ် ၵူၼ်းထုၵ်ႇမၢပ်ႇၼေး သွင်ၵေႃႉ ဝႃႈၼႆယဝ်ႉ။

ယွၼ်ႉပိူဝ်ႈ ၽူႈတၢင်ၼႃႈၵဝ်ႇ Donald Trump ဢၼ်ပဵၼ် Rudy Guiliani လႆႈလႅၼ်သေ မွၵ်ႇလၢတ်ႈလႄႈ ဢၼ်ပဵၼ် ၽူႈႁၢပ်ႇၵၢၼ်ပၢင်ႈလိူၵ်ႈတင်ႈ သွင်ၵေႃႉ တီႈ ၸႄႈမိူင်းၵျေႃႇၵျီႇယႃႇ ၼၼ်ႉ လႆႈထုၵ်ႇ ၸိူဝ်းပဵၼ်ၽူႈၵမ်ႉထႅမ်ႉ ထရၢမ်ႉ ၶဝ် လႆႈမီးလွင်ႈယႃႉသလေႇ၊ လႆႈမီးလွင်ႈလွၵ်ႇငိူတ်ႇ သၢႆၸႂ် ထိုင်ၶဝ်လႄႈ ၸင်ႇလႆႈ မၢပ်ႇမႂ်မႃးၸိူင်ႉၼႆယဝ်ႉ။

လႆႈထွမ်ႇငိၼ်း လိူင်ႈဢၼ်ၼႆႉ တီႈ လုမ်းတတ်းသိၼ်ႇဝဵင်းလူင် ဝႃႇသျိၼ်ႇတၼ်ႇယဝ်ႉသေ တွၼ်ႈတႃႇတႅပ်းတတ်းသိၼ်ဝႃႈ ပဵၼ်လိူင်ႈ ဢမ်ႇပဵၼ်လိူင်ႈဢၼ်ဝႃႈၼၼ်ႉ မီးၸုမ်းၵျူႇရီႇ ဢၼ်ၶဝ်ႈပႃႈ ၽူႈၶဝ်ႈၸုမ်းပႅတ်ႇၵေႃႉၼၼ်ႉ လႆႈတႅပ်းတတ်းတမ်းဝၢင်းၶေႃႈပူင်ဝႃႈ Rudy Guiliani တေလႆႈသၢႆႈငိုၼ်းပၼ် တွၼ်ႈတႃႇ ယႃႉသလေႇ တေႃႇလႃႇ 20 လၢၼ်ႉ ဢိၵ်ႇတင်း တွၼ်ႈတႃႇ ငိုၼ်းသေ တေႃႇလႃႇ 75 လၢၼ်ႉ သေ ႁူမ်ႈ 148 လၢၼ်ႉပၢႆ ဝႃႈၼႆယဝ်ႉ။

Wandrea “Shaye” Moss လႄႈ မႄႈမၼ်း Ruby Freeman ၶဝ်သွင်ၵေႃႉၼႆႉ လႆႈမီးၵႂၢမ်းဢွၵ်ႇလၢတ်ႈ တီႈ လုမ်းတတ်းသိၼ်ဝႃႈ ယွၼ်ႉပိူဝ်ႈ ထုၵ်ႇၵဝ်း၊ လွၵ်ႈငိူတ်ႈလႄႈ ထိုင်တီႈပေႃးလႆႈ ၶၢႆႉႁိူၼ်းသေ လႆႈပၢႆႈၵႂႃႇတၢင်ႇတီႈဝႃႈၼႆယဝ်ႉ။ မၼ်းၼၢင်းၼႆႉ တႃႇမၼ်း တေၶိုၼ်းမိူဝ်းယူႇ တီႈႁိူၼ်းၵဝ်ႇမၼ်းၼၼ်ႉၵေႃႈ ဢမ်ႇလႆႈယဝ်ႉသေဢမ်ႇၵႃး တီႈၵပ်းသိုပ်ႇသိူၵ်ႈသမ်ႇၵူၼ်းၵေႃႈ လႆႈၽၢင်ႉတႄႉတႄႉဝႃႈဝႃႈသေ တႃႇမွၵ်ႇလၢတ်ႈၸိုဝ်ႈတူဝ်ၵဝ်ႇၵူၺ်းၵေႃႈ ပေႃးလႆႈၽၢင်ႉတႄႉတႄႉဝႃႈဝႃႈ လႄႈ ႁူဝ်ငိုၼ်း ဢၼ်လုမ်းတတ်းသိၼ် တႅပ်းတတ်းပၼ်ၼၼ်ႉ မၼ်းဢမ်ႇဢဝ်ၶိုၼ်းလႆႈ ၸၢတ်ႈပၢၼ်မၼ်း မိူၼ်ၼင်ႇ မိူဝ်ႈဢွၼ်တၢင်းယဝ်ႉၼႆ Ruby Freeman လႆႈမွၵ်ႇလၢတ်ႈ ၽူႈဢဝ်ၶၢဝ်ႇၶဝ်တီႈ ၽၢႆႇၼွၵ်ႈ လုမ်းတတ်းသိၼ်ၼၼ်ႉယဝ်ႉ။

Rudy Guiliani တႄႉ တွပ်ႇၶိုၼ်းဝႃႈ ၽၢႆႇမၼ်းတႄႉ ဢမ်ႇလႆႈမီး လွင်ႈၼႅင်ၸႂ်သင် ၼႆသေ မၼ်းတေ လဝ်ႈတၢင်ႇၶိုၼ်း ၼိူဝ် လွင်ႈဢၼ်တႅပ်းတတ်းမႃးၼႆႉ ဝႃႈၼႆယဝ်ႉ။

ငိူၼ်ႈငဝ်ႈတိုၼ်း

Spencer S. Hsu, Tom Jackman, Rachel Weiner and Olivia Diaz. "Rudy Giuliani ordered to pay $148 million for false 2020 election claims" — The Washington Post, December 15, 2023
VOA News. "Trump ရှေ့နေဟောင်း ဒေါ်လာ ၁၄၈ သန်းကျော် ဒဏ်ရိုက်ခံရ" — VOA News, December 16, 2023

ပိုၼ်ၽႄ :