Wn/shn/ၸဝ်ႈၼႃႈတီႈၵမ်ႈၽွင်ႈ ၸိူဝ်းၵပ်းၵၢႆၵၼ်တင်း တပ်ႉသိုၵ်းၶႄႇ လႆႈထုၵ်ႇ ထွၼ်ဢွၵ်ႇပႅတ်ႈ
ဝၼ်းဢႃးတိတ်ႉ၊ တီႇသႅမ်ႇပႃႇ 31၊ 2023
ၸိူဝ်းပဵၼ် ၸဝ်ႈၼႃႈတီႈ ၽူႈႁၢပ်ႇၵၢၼ် တီႈ ၸုမ်းပၼ်တၢင်းၶႆႈၸႂ်ၵၢၼ်မိူင်း ပႃႇတီႇၶွမ်ႇမိဝ်ႇၼိတ်ႉ ဢၼ်ပဵၼ် ၸဝ်ႈၼႃႈတီႈၸၼ်ႉသုင် 3 ၵေႃႉ တီး ၵၢၼ်ၵဵဝ်ႇၵပ်း လွင်ႈၵႅတ်ႇၵင်ႈၵၢင်ႁၢဝ် မိူင်းၶႄႇၼၼ်ႉ လႆႈထုၵ်ႇထွၼ်ႇပႅတ်ႈယဝ်ႉ။ ႁူဝ်ပဝ်ႈ ၵေႃႇပူဝ်ႇရေးသျိၼ်းပၢႆးၸၢင်ႈ လႄႈ ပၢႆးသၢႆႈဢႃႇၵႃႇသ ဢၼ်ပဵၼ် Wu Yansheng၊ ႁူဝ်ပဝ်ႈ ၸုမ်းၵၢၼ်ပၢႆးမၢၵ်ႈမီး Norinco Group ဢၼ်ၵဵၼ် Liu Shiquan၊ ၵႅမ်ၽူႈၸတ်းၵၢၼ် ၵေႃႇပူဝ်ႇရေးသျိၼ်းပၢႆးၸၢၵ်ႈ လႄႈ ပၢႆးသၢႆႈဢႃႇၵႃႇသၶႄႇ ဢၼ်ပဵၼ် Wang Changqing ၶဝ်သၢမ်ၵေႃႉၼႆႉ လႆႈထုၵ်ႇတႅပ်းတတ်းဝႃႈ တႃႇဢဝ်ၶဝ် ထွၼ်ပႅတ်ႈ တီႈၼႂ်းၸုမ်းပၼ်တၢင်းၶႆႈၸႂ်ၵၢၼ်မိူင်း မိူင်းၶႄႇ ၼႆ ဢၼ်ပဵၼ် လိၵ်ႈၽိုၼ်ၶၢဝ်ႇ ၶွင် လူင်ပွင်ၸိုင်ႈၶႄႇ Xinhua လႆႈပိုၼ်ၶၢဝ်မႃးသေတႃႉ ယွၼ်ႉသင်ဢၼ်ဝႃႈၼၼ်ႉတႄႉ ဢမ်ႇလႆႈလၢတ်ႈဢွၵ်ႇ ႁူဝ်ယွႆႈမၼ်းၼင်ႇၵဝ်ႇ။
ၵၢၼ်ငၢၼ်း တင်း 3 ဢၼ်ၼႆႉ ပဵၼ် ၶွမ်ႇပၼီႇလူင် 3 ဢၼ် ဢၼ်ၵဵဝ်ႇၵပ်းလူၺ်ႈ ပၢႆးၸၢင်ႈဢႃႇဢႃႇသ လႄႈ ၵၢၼ်ၵႅတ်ႇၵင်ႈၶႄႇ ၼၼ်ႉယဝ်ႉ။ ၵေႃႇပူဝ်ႇရေးသျိၼ်းပၢႆးၸၢင်ႈ လႄႈ ပၢႆးသၢႆဢႃႇၵႃႇသ ၼႆႉ ပဵၼ် ၶွမ်ႇပၼီႇ ဢၼ်လႆႈ တူၺ်းထိုင် လၢႆးၵၢၼ်လွင်ႈႁဵတ်းဢွၵ်ႇ ၶိူင်ႈ Missile လႄႈ ၶိူင်ႈမိၼ်ဢႃႇၵႃႇသ ၶႄႇ ၼၼ်ႉသေ ဢၼ်ပဵၼ် Norinco Group တႄႉ ပဵၼ်ၵၢၼ်ၵၢၼ်လူင် ဢၼ်ႁဵတ်းဢွၵ်ႇ ၶိူင်ႈလၢၵ်ႈၼၢၵ်ႈၶႄႇၼၼ်ႉယဝ်ႉ။
မိူဝ်ႈတွၼ်ႈၸဝ်ႉ ဝူင်ႈၼႆႉၼၼ်ႉၵေႃႈ Hu Wenming ဢၼ်ပဵၼ် ၽူႈဢဝ်ပုၼ်ႈၽွၼ်း ၵၢၼ်ပႃႇတီႇလႄႈ ပုၼ်ႈၽွၼ်းႁူဝ်ပဝ်ႈ ၵေႃႇပူဝ်ႇရေးသျိၼ်း ၽၢႆႇၵၢၼ်ၵေႃႇသၢင်ႈႁိူဝ်းသၢင်းၽေႃးၶႄႇၼၼ်ႉၵေႃႈ ယွၼ်ႉပိူဝ်ႈ ၸႂ်ႉဢၢမ်းၼၢတ်ႈၽိင်းၽိင်ႈလႄႈ ထုၵ်ႇၺႃးတၢမ်ႇၶွၵ်ႈ 13 ပီ လႄႈ တၢမ်ႇငိုၼ်း ငိုၼ်းၶႄႇ 5 လၢၼ်ႉ ဢၼ်ၽဵင်ႇၵၼ်တင်း တေႃႇလႃႇ 7 သႅၼ် ၼၼ်ႉယဝ်ႉ။
လူင်ပွင်ၸိုင်ႈ Xi Jinping ၼႆႉ ၽွင်းၶဝ်တိုၵ်ႉ ႁဵတ်းသၢင်ႈဢဝ်လိူင်ႈ လွင်ၵိၼ်သူးၵိၼ်လၢပ်ႈယူႇၼၼ်ႉ ၶဝ်ၸႂ်ႉလၢႆးၵၢၼ် လွင်ႈၵိၼ်သူးၵိၼ်လၢပ်ႈၼႆႉသေ ဢဝ်လႆႈဢဝ်လိူင်ႈ ထွၼ်ပႅတ်ႈ ၵူၼ်းၸိူဝ်းဢၼ်ဢၢပ်ႈတေ ၶဵင်ႇတ ၸွမ်ပွင်ၸိုင်ႈ Xi ဢၼ်ၵဵဝ်ႇၵပ်းလူၺ်ႈ ၵၢၼ်မိူင်းၼၼ်ႉၼႆ ၵူၼ်းလူလွမ်ပႂ်ႉတူၺ်းၶဝ်တႄႉ ႁၼ်ထိုင်ဝႆႉဝႃႈၼၼ်ယဝ်ႉ။
ငိူၼ်ႈငဝ်ႈတိုၼ်း
- Phoebe Zhang. "Beijing strips 3 aerospace-defence executives of political titles as China cracks down on corruption in crucial sector" — SCMP, December 31, 2023
- VOA News. "တရုတ် စစ်တပ်နဲ့နွယ်တဲ့ ထိပ်တန်း အရာရှိတချို့ ရာထူးကဖယ်ရှားခံရ" — VOA News, December 31, 2023
