Wn/shn/ၵျူဝ်းပၢႆႇတႅၼ်ႇ လႄႈ တေႃႇၼႄႇထရၢမ်ႉ ဢွင်ႇပႄႉ ပၢင်လိူၵ်ႈတင်းၼေႃႇၸွမ်ၸိုင်ႈ ၼႂ်းပႃႇတီႇ
ဝၼ်းၽတ်း၊ မၢတ်ႉၶျ် 7၊ 2024
တီႈပၢင်လိူၵ်ႈတင်ႈ ၼေႃႇၸွမ်ၸိုင်ႈ ၼႂ်းပႃႇတီႇ မိူင်းႁူမ်ႈတုမ် ဢမႄႇရိၵၢၼ်ႇ ဢၼ်ၸတ်းႁဵတ်းၵႂႃႇ မိူဝ်ႈဝၼ်းထိ 5 ၼၼ်ႉ ယွၼ်ႉပိူဝ်ႈဝႃႈ ၸွမ်ၸိုင်ႈ ၵျူဝ်းပၢႆႇတႅၼ်ႇ လႄႈ ၸွမ်ၸိုင်ႈၵဝ်ႇ တေႃႇၼႄႇထရၢမ်ႉၶဝ် လႆႈဢွင်ႇပႄႉ တီႈပႃႇတီႇၽႂ်မၼ်းလႄႈ တီႈ ပၢင်လိူၵ်ႈတင်ႈၸွမ်ၸိုင်ႈ ဢၼ်တေၸတ်းႁဵတ်း ၼႂ်း လိူၼ်ၼူဝ်ႇဝႅမ်ႇပႃႇၼၼ်ႉၵေႃႈ ၶဝ်သွင်ၵေႃႉ တေလႆႈၶိုၼ်းၶႄႉၶဵင်ႇၵၼ်ထႅင်ႈယူႇယဝ်ႉ။
ၸွမ်ၸိုင်ႈၵဝ်ႇ တေႃႇၼႄႇထရၢမ်ႉ ၷေၢႉဢၼ် ဢွင်ႇပႄႉပၢင်ၶႄႉၶဵင်ႇတင်းမူတ်း တီႈၼႂ်းပႃႇတီႇ ရီႇပပ်ႇပလီႇၵၢၼ်ႇၼၼ်ႉတႄႉ မၼ်းလၢတ်ႈဝႃႈ ပၢင်လိူၵ်ႈတင်ႈၸိူဝ်းၼႆႉၼႆႉ ပဵၼ် ဝၼ်းဢၼ်လမ်ႇလွင်ႈတီႈသုတ်း တီႈၼႂ်းပိုၼ်းဝႃႈၼႆယဝ်ႉ။
မိူဝ်ႈဝၼ်းထိ 5 ၵၢင်ၶမ်ႈၼၼ်ႉ ၸွမ်ၸိုင်ႈၵဝ်ႇ တေႃႇၼႄႇထရၢမ်ႉ လႆႈလုၵ်ႉတီႈႁိူၼ်းမၼ်း Palm Beach ဢၼ်မီးတီႈ ၸႄႈမိူင်းၾလေႃႇရီႇတႃႇၼၼ်ႉသေ မွၵ်ႇလၢတ်ႈဝႃႈ "လွင်ႈဢွင်ႇပႄႉဝၼ်းမိူဝ်ႈၼႆႉ မၼ်းပဵၼ်ဝၼ်းသုၼ်ႇမၢၼ် ဢၼ်ပေႃးလီဢၢမ်း ဢၼ်ဢမ်ႇယၢမ်ႈမီးမႃးသေပွၵ်ႈၼၼ်ႉသေ တွၼ်ႈတႃႇ ပိုၼ်းမိူင်းၵေႃႈ ပဵၼ်ဢၼ်လႆႈထူပ်း ၶၢဝ်းယၢမ်းလၢၵ်ႇလၢႆးယူႇယဝ်ႉ" ဝႃႈၼႆ။
ၼိၵ်ႇၵီႇႁေလီ ၵေႃႉဢၼ်ပဵၼ် ၽွင်းလူင်ၵဝ်ႇ ဢမႄႇရိၵၢၼ်ႇ ဢၼ်ၵဵဝ်ႇၵပ်း ၸုမ်းၸၢတ်ႈၸိုင်ႈလုမ်ႈၾႃႉ ဢၼ်လႆႈၶဝ်ႈၶႄႉၶဵင်ႇ တီႈ ပၢင်လိူၵ်ႈတင်ႈ ၼေႃႇၸွမ်ၸိုင်ႈ ၵၼ်တင်း ၸွမ်ၸိုင်ႈၵဝ်ႇ တေႃႇၼႄႇထရၢမ်ႉ ၼၼ်ႉတႄႉ ဢမ်ႇႁိုင် ဢမ်ႇၼၢၼ်း တေႁၢင်ႈႁႅင်း တႃႇၵိုတ်းလိုဝ်ႈ လွင်ႈသူၼ်းတုမ် တႃႇပၼ်ၶႅပ်းၵၢင်ၸႂ်မၼ်းယဝ်ႉၼႆ လုၵ်ႉတီႈငိူၼ်ႈငဝ်ႈၶၢဝ်ႇငၢဝ်း ဢၼ်ၸမ်ၵၼ်တင်းမၼ်းသေ လႆႈမွၵ်ႇလၢတ်ႈဝႆႉယူႇယဝ်ႉ။
တီႈ ပၢင်လိူၵ်ႈတင်ႈၼေႃႇၸွမ်ၸိုင်ႈ ၼႂ်းပႃႇတီႇ ရီႇပပ်ႇပလီႇၵၢၼ်ႇ ၼၼ်ႉ တေႃႇၼႄႇထရၢမ်ႉၼႆႉ မၼ်းဢွင်ႇပႄႉ တီႈ ၸႄႈမိူင်း Utah လႄႈ ဢိၵ်ႇတင်း ဢွင်ႈတီႈ 14 တီႈသေ ၼိၵ်ႇၵီႇႁေလီတႄႉ ၵူၺ်းဢွင်ႇပႄႉတီႈ ၸႄႈမိူင်း Vermont တီႈလဵဝ်ၵူၺ်း။
တီႈပၢင်လိူၵ်ႈတင်ႈ ၼေႃႇၸွမ်ၸိုင်ႈ ၼႂ်းပႃႇတီႇ တီႇမူဝ်ႇၶရႅတ်ႉၼၼ်ႉတႄႉ ၸွမ်ၸိုင်ႈ ၵျူဝ်းပၢႆႇတႅၼ်ႇၼႆႉ လႆႈဢွင်ႇပႄႉ တီႈ ၸႄႈမိူင်းVirginia၊ Texas၊ Minnesota လႄႈ Colorado သေ ဢိၵ်ႇတင်း တီႈ ၸႄႈမိူင်း 15 ၸႄႈမိူင်းၼၼ်ႉယဝ်ႉ။ ၵူၺ်းၵႃႈဝႃႈ တီႈ ၵုၼ် Samoa ဢၼ်ပဵၼ် ၶွင် မိူင်းႁူမ်ႈတုမ်ဢမႄႇရိၵၢၼ်ႇၼၼ်ႉတႄႉ ၸွမ်ၸိုင်ႈ ၵျူဝ်းပၢႆႇတႅၼ်ႇ လႆႈသုမ်းၵႂႃႇယဝ်ႉ။
ၽွၼ်းပၢင်လိူၵ်ႈတင်ႈ ဢၼ်ၵိုတ်းယူႇ တီႈ ၸႄႈမိူင်းလိုၼ်းသုတ်းၼၼ်ႉၵေႃႈ တေပိုၼ်ၽၢဝ်ႇပၼ်ယူႇယဝ်ႉ။ ၸွမ်ၸိုင်ႈ ၵျူဝ်းပၢႆႇတႅၼ်ႇတႄႉဝႃႈ သင်ၸိူဝ်ႉ တေႃႇၼႄႇထရၢမ်ႉ လႆႈဢွင်ႇပႄႉ ပၢင်လိူၵ်ႈတင်ၼႆႉ မိူင်းၼႆႉ တၢင်းႁၼ်ထိုင် တေပႅၵ်ႇပိူင်ႈၵၼ်သေ တေၸၢင်ႈသုၵ်ႉယုင်ႈ ႁွတ်ႈထိုင်ၼႂ်းလပ်းသိင်ႇၵႂႃႇၼႆ မၼ်းလႆႈလၢတ်ႈၽၢင်ႉဝႆႉယူႇ။
ငိူၼ်ႈငဝ်ႈတိုၼ်း[edit | edit source]
- Rob Garver. "Biden, Trump Take Aim at Each Other in Dueling Attacks" — VOA News, March 6, 2024
- VOA News. "ပါတီတွင်း သမ္မတလောင်း ရွေးပွဲ သမ္မတ Biden နဲ့ သမ္မတဟောင်းTrump တို့ အနိုင်ရ" — VOA News, March 6, 2024
