Wn/shn/ဢီႇရၢၼ်းၶဝ် ဢဝ်တရုၼ်းသေ တိုၵ်းတေႃး ဢိတ်ႇသရေးယဝ်ႉ
ဝၼ်းဢႃးတိတ်ႉ၊ ဢေႇပရႄႇ 14၊ 2024
.svg)
.jpg)
ၽူႈမီးသုၼ်ႇလၢတ်ႈ တပ်ႉၼမ်ႉဢိတ်ႇသရေး တႅၼ်ႇၼီႇယေႇလ်ႁႃၵရီႇ မွၵ်ႇလၢတ်ႈမိူဝ်ႈ ဝၼ်းသဝ် တွၼ်ႈၶမ်ႈၼၼ်ႉဝႃႈ မိူင်းဢီႇရၢၼ်း လႆႈပွႆႇတရုၼ်းတင်းၼမ် မႃးၸူး မိူင်းဢိတ်ႇသရေး ဝႃႈၼႆယဝ်ႉ။ တရုၼ်းၸိူဝ်းၼၼ်ႉ တႃႇႁွတ်ႈထိုင် ဢိတ်ႇသရေးၼႆႉ တေႁိုင်ထႅင်ႈ လၢႆလၢႆၸူဝ်ႈမူင်းလႄႈ လႆႈႁၢင်ႈႁႅၼ်းဝႆႉထႃႈယဝ်ႉ ဝႃႈၼႆ။
ႁႃၵရီ လၢတ်ႈဝႃႈ ဢိတ်ႇသရေးၶဝ် လႆႈႁၢင်ႈႁႅၼ်းတူဝ်ႈတၼ်းဝႆႉယဝ်ႉ တွၼ်ႈတႃႇ ၵႅတ်ႇၵင်ႈလႄႈ တွၼ်ႈတႃႇ လေႃႇတိုၵ်း တင်သွင်မဵဝ်းယဝ်ႉ ဝႃႈၼႆ။ ဢမႄႇရိၵၢၼ်ႇ လႄႈ တင်း မိူင်းဢူၺ်းလီတၢင်ႇၸိူဝ်းၵေႃႈ လႆႈႁူမ်ႈႁွမ်းၵၼ်သေ ႁဵတ်းသၢင်ႈယူႇ ဝႃႈၼႆယဝ်ႉ။
ဢမႄႇရိၵၢၼ်ႇၵေႃႈ လႆႈယိုၼ်ယၼ်ဝႃႈ ၽၢႆႇဢီႇရၢၼ်း လႆႈတႄႇ လွင်ႈတိုၵ်းတေႃး ဝႃႈၼႆသေ ၶဝ်ပိုၼ်ၽၢဝ်ႇဝႃႈ တေၸုၵ်းယၼ်လူၺ်ႈတင်း ၵူၼ်းမိူင်းဢိတ်ႇသရေးသေ တေၵႅတ်ႇၵင်ႈပၼ် လွင်ႈလွၵ်ႇငိူတ်ႈၵႂႃႇ ဝႃႈၼႆယဝ်ႉ။ ၽူႈမီးသုၼ်ႇလၢတ်ႈ ၶွင်ႇသီႇပၢႆးႁူမ်ႇလူမ်ႇ ႁိူၼ်းၵႅဝ်ႈၶၢဝ် Adrienne Watson လၢတ်ႈဝႃႈတႄႉ “ၵၢင်ၸႂ် ၸဝ်ႈၸွမ်ၸိုင်ႈ ၵျူဝ်းပၢႆႇတႅၼ်ႇတႄႉ ၸႅင်ႈလႅင်းလီယူႇ။ လွင်ႈၸုၵ်းယၼ်ဢမႄႇရိၵၢၼ်ႇ ဢၼ်ပဵၼ် တႃႇၸွႆႈထႅမ်ဢိတ်ႇသရေးၼၼ်ႉ မၼ်းမၼ်ႈၵႅၼ်ႇၼင်ႇ တႅင်ႈလဵၵ်းယဝ်ႉ“ ဝႃႈၼႆ။
ၽူႈမီးပုၼ်ႈၽွၼ်း သၢႆၵၢၼ်မိၼ် ဢိတ်ႇသရေးၶဝ်လၢတ်ႈဝႃႈ ၶဝ်လႆႈဢိုတ်း သၢႆၵၢၼ်မိၼ်တင်းသဵင်ႈ တီႈၼႂ်းလႅၼ်လူမ်းၸိုင်ႈမိူင်း ဝႃႈၼႆႉယဝ့်။ ၽူႈမီးပုၼ်ႈၽွၼ်း တႃႈႁိူဝ်းမိၼ်ၶဝ်လၢတ်ႈဝႃႈ လွင်ႈဢိုတ်းသၢႆၵၢၼ်မိၼ်ၼႆႉ တေတႄႇၵႂႃႇ ၶၢဝ်းယၢမ်းတွၼ်ႈၸဝ်ႉ 12:30 ဝႃႈၼႆယဝ်ႉ။ တီႈငဝ်းႁၢင်ႈသဵင် ၶွင်ၸိုင်ႈမိူင်းဢီႇရၢၼ်းၵေႃႈ လႆႈပိုၼ်ၽၢဝ်ႇဝႃႈ လႆႈတႄႇတိုၵ်းတေႃး ဢိတ်ႇသရေးယဝ်ႉ ဝႃႈၼႆ။
ၽူႈမီးၸၼ်ႉ ဢမႄႇရိၵၢၼ်ႇၵေႃႉၼိုင်ႈ လႆႈယိုၼ်ယၼ် ၶၢဝ်ႇဢေႇပီႇဝႃႈ ဢီႇရၢၼ်းၶဝ် လႆႈပွႆႇတရုၼ်းႁူဝ်ပၢၵ်ႇမၼ်းဝႃႈၼႆႉယဝ်ႉ။ ၸဵမ်မိူဝ်ႈ ဝၼ်းသဝ်တွၼ်ႈၸဝ်ႉၼၼ်ႉ တပ်ႉသိုၵ်းဢိတ်ႇသရေးၶဝ် ဝႃႈ ၸွမ်းလူၺ်ႈပၢႆးႁူမ်ႇလူၺ်ႈသေ လႆႈဢိုတ်းႁၢမ်ႈ လွင်ႈၵူၼ်းၸုတုမ် ဢၼ်မီးလိူဝ် 1,000 သေ ၸိူဝ်းပဵၼ် ႁူင်းႁဵၼ်းၵေႃႈ လႆႈဢိုတ်းဝႆႉ ၼႆယဝ်ႉ။
တႄႇဝၢႆးသေ လွင်ႈဢဝ်ႁိူဝ်းမိၼ်တိုၵ်းတေႃး လႄႈ ၸွမ်ႁၢၼ်ဢီႇရၢၼ်း သွင်ၵေႃႉ လႆႈတၢႆၵႂႃႇတီႈ သီးရီးယႃးၼၼ်ႉယဝ်ႉသေ တီႈဢိတ်ႇသရေးလႆႈ လႆႈယုၵ်ႉသုင်ႈ လွင်ႈႁူမ်ႇလူမ်ႈဝႆႉယဝ်ႉ။ ဢီႇရၢၼ်းၶဝ် မၢပ်ႇၼႄးဝႃႈ တီႈၽၢႆႇလင် လွင်ႈတိုၵ်းတေႃးၼၼ်ႉ မီးဝႆႉဢိတ်ႇသရေး ၼႆသေ လႆႈပၼ်ၵႂၢမ်းမၼ်ႈဝႆႉဝႃႈ တေတွပ်ႇတႅၼ်းၶိုၼ်းဝႃႈၼႆယဝ်ႉ။ ၽၢႆႇဢိတ်ႇသရေးတႄႉ ၵဵဝ်ႇၵပ်းလူၺ်ႈ လွင်ႈတိုၵ်းတေႃးၼၼ်ႉသေ ဢမ်ႇလႆႈပၼ်ၵႂၢမ်းမၢႆသင်ၼင်ႇၵဝ်ႇ။
ငိူၼ်ႈငဝ်ႈတိုၼ်း
- Raffi Berg. "Israel says its defences in action as Iran attacks with drones" — BBC, April 14, 2024
- Tori B. Powell, Chris Lau, Sophie Tanno, Emma Tucker, Kaanita Iyer, Paul LeBlanc လႄႈ Adrienne Vogt,. "Iran launches dozens of strikes toward Israel" — CNN, April 14, 2024
- Osef Federman လႄႈ Jon Gambrell. "Booms and sirens in Israel after Iran launches over 200 missiles and drones in unprecedented attack" — Associated Press, April 14, 2024
- Michael Lipin. "Iran attacks Israel, escalating conflict; US calls support of Israel 'ironclad'" — VOA, April 13, 2024
