Wn/shn/ၸွမ်ပွင်ၸိုင်ႈၵဝ်ႇဢီႇရၢၼ်း Ahmadinejad တၢင်ႇသဵၼ်ႈမၢႆ တႃႇၶဝ်ႈပၢင်လိူၵ်ႈတင်ႈ
ဝၼ်းဢႃးတိတ်ႉ၊ ၸုၼ်ႇ 2၊ 2024
.svg)
.jpg)
ၸွမ်ပွင်ၸိုင်ႈၵဝ်ႇ ဢီႇရၢၼ်း မႃမုတ်ႉဢမတီးၼႄၸၢတ်ႇ ဢၼ်မီးၼမ်ႉၸႂ်ၶဵင်ႈၶႅင်ၼၼ်ႉ လႆႈတၢင်ႇသဵၼ်ႈမၢႆ ဝၼ်းမိူဝ်ႈၼႆႉ တွၼ်ႈတႃႇ ၶဝ်ႈၶႄႉၶဵင်ႇ ၼင်ႇ ၼေႃႇၸွမ်ပွင်ၸိုင်ႈ တီႈ ပၢင်လိူၵ်ႈတင်ႈဢီႇရႃၼ်း ဢၼ်တေၸတ်းႁဵတ်း ၸုၼ်ႇ 28 တီးမိူင်းဢီႇရၢၼ်းၼၼ်ႉယဝ်ႉ။
ယွၼ်ႉပိူဝ်ႈ ၸွမ်ပွင်ၸိုင်ႈၵဝ်ႇ ဢၼ်ပဵၼ် ၽူႈၼပ်ႉတိုဝ်းဝႃႇတဢၼ်ၵူၼ်းတင်းၼမ်လႆႈၸႂ်ၼၼ်ႉ တေၶဝ်ႈၶႄႉၶဵင်ႇ ၼေႃႇၸွမ်ပွင်ၸိုင်ႈ တီႈ ပၢင်လိူၵ်ႈတင်ႈ တႃႇတႅၼ်းတီႈ ၸွမ်ပွင်ၸိုင်ႈဢီႇရၢၼ်း ဢၼ်လႆႈတၢႆၵႂႃႇ ယွၼ်ႉႁိူဝ်းမိၼ်မႅင်းမီႈ လုတုၵ်းၼၼ်ႉလႄႈ တွၼ်ႈတႃႇ ၽူႈဢွၼ်ႁူဝ်သႃႇသၼႃႇ Ayatollah Ali Khamenei တႄႉ လႆႈပဵၼ်ႁဵင်းတဵၵ်းမႃးဢၼ်ၼိုင်ႈယူႇ။ မိူဝ်ႈဢမတီးၼႄၸၢတ်ႇ လႆႈဢဝ်ပုၼ်ႈၽွၼ်း ၸွမ်ပွင်ၸိုင်ႈၼၼ်ႉ မၼ်းယၢမ်ႈ ၶဵင်ႇတႃႉ ၶႃႇမႄႇၼီႇ ဢၼ်ပဵၼ် ၽူႈၼမ်းၸိုင်ႈမိူင်း ဢၼ်ဢႃႇယု လႆႈ 85 ပီၼၼ်ႉသေ မိူဝ်ႈပီ 2021 ၽွင်းမၼ်းၶတ်းၸႂ် တႃႇၶိုၵ်းထုၵ်ႇလိူၵ်ႈ ၸွမ်ပွင်ၸိုင်ႈၼၼ်ႉၵေႃႈ ၸဝ်ႈဢႃႇၼႃႇပၢၼ်ႇၶဝ် လႆႈႁႄႉႁၢမ်ႈမၼ်းမႃးယဝ်ႉ။
ပဵၼ်ၽွင်း ၵၢၼ်ငၢၼ်းၼိဝ်ႇၵလီးယႃး ဢီႇရၢၼ်းၵေႃႈ ႁႅင်းၶိုၼ်ႈသုင်မႃးလႄႈသင်၊ ယွၼ်ႉလႆႈသူင်ႇ ၶိူင်ႈလၢၵ်ႈၼၢၵ်ႈပၼ် ရတ်ႈသျႃး တီႈပၢင်တိုၵ်းယူႇၶရဵၼ်းလႄႈသင်၊ ယွၼ်ႉပိူဝ်ႈ လႆႈတိုၵ်းတေႃးႁၢဝ်ႈႁႅင်းၼိူဝ် ၽၢႆႇသၢၼ်ၶတ်းၶဝ်လႄႈ လႆႈမီးလွင်ႈၶဵင်ႈၶႅင်မႃးၵၼ်တင်း မိူင်းဝၼ်းတူၵ်းလႄႈ ၸွမ်ပွင်ၸိုင်ႈၵဝ်ႇဢီႇရၢၼ်း ဢၼ်မီးၼမ်ႉၸႂ်ၶဵင်ႈၶႅင်ၼၼ်ႉ ၸင်ႇလႆႈၶတ်းၸႂ် တႃႇၶဝ်ႈၶႄႉၶဵင်ႇတီႈ ပၢင်လိူၵ်ႈတင်ႈ မႃးၼင်ႇၼႆယဝ်ႉ။
ဝၢႆးမၼ်းတၢင်ႇမၢႆၽၢင်ယဝ်ႉ ၸွမ်ပွင်ၸိုင်ႈၵဝ်ႇ ဢမတီးၼႄၸၢတ်ႇ မွၵ်ႇလၢတ်ႈမႃးဝႃႈ မၼ်းတေ ၶတ်းၸႂ် ပူၵ်းပွင်ၵၢၼ်ၵပ်းသိုပ်ႇ ၽၢႆႇလီ တင်း ၵူႈမိူင်းမိူင်း၊ တေၶတ်းၸႂ် ႁဵတ်းႁႂ်ႈ ပၢႆးမၢၵ်ႈမီး တင်း ၵူႈမိူင်းမိူင်း တိူဝ်းတွၼ်ႈၶိုၼ်ႈသုင်မႃး ဝႃႈၼႆယဝ်ႉ။
ငိူၼ်ႈငဝ်ႈတိုၼ်း[edit | edit source]
- Associated Press. "Iran's hard-line former president registers for June 28 presidential election" — VOA News, JUNE 2, 2024
- TOI STAFF and AGENCIES. "Iranian ex-president Mahmoud Ahmadinejad registers for June 28 election" — The Times of Israel, JUNE 2, 2024
- France24. "Iran's hardline ex-president Ahmadinejad registers candidacy for snap presidential poll" — France24, JUNE 2, 2024
- Reuters. "Iran's ex-President Ahmadinejad to run again" — Reuters, JUNE 2, 2024
